ഭൂമി പരന്നതാണെന്ന് തെളിയിക്കാന് ലക്ഷങ്ങള് മുടക്കി യൂട്യൂബര് നടത്തിയ യാത്രയ്ക്ക് അപ്രതീക്ഷിത വഴിത്തിരിവ്.
അന്റാര്ട്ടിക്ക പരന്ന ഭൂമിയുടെ അരികില് നിര്മ്മിക്കുന്ന ഒരു 'ഐസ് മതില്' ആണെന്ന് കാണിക്കാന് തീരുമാനിച്ച കാമ്പനെല്ല, 24 മണിക്കൂര് സൂര്യന്റെ പ്രതിഭാസത്തെ നിരാകരിക്കാന് ഉദ്ദേശിച്ചു. തന്റെ യാത്രയ്ക്ക് മുമ്പ് കാമ്പനെല്ല വിശ്വസിച്ചത് അന്റാര്ട്ടിക്കയിലെ സൂര്യന് മറ്റെവിടെയും പോലെയല്ല, ഉദിക്കുകയോ അസ്തമിക്കുകയോ ചെയ്യാതെ നിശ്ചലമായി തുടരുകയാണെന്നാണ്.
എന്നാല് തെക്കേയറ്റത്തെ ഭൂഖണ്ഡത്തിലേക്കുള്ള അദ്ദേഹത്തിന്റെ യാത്ര ഈ ബോധ്യങ്ങളെ തകര്ത്തു. അന്റാര്ട്ടിക്കയില്, കാമ്പനെല്ല 'അര്ദ്ധരാത്രി സൂര്യന്' സാക്ഷ്യം വഹിച്ചു.
അവിടെ വേനല്ക്കാലത്ത് 24 മണിക്കൂറും സൂര്യന് ദൃശ്യമാകും. ധ്രുവപ്രദേശങ്ങളില് മാത്രം കാണപ്പെടുന്ന ഈ പ്രതിഭാസം ഭൂമിയുടെ ഗോളാകൃതിയെ പിന്തുണയ്ക്കുന്ന ഒരു പ്രധാന തെളിവാണ്. "ചിലപ്പോള് ജീവിതത്തില് നിങ്ങള്ക്ക് തെറ്റുപറ്റും. 24 മണിക്കൂര് സൂര്യന് ഇല്ലെന്ന് ഞാന് കരുതി. എനിക്കത് നന്നായി ഉറപ്പായിരുന്നു. ഇപ്പോള്, ഉണ്ടെന്ന് ഞാന് വിശ്വസിക്കുന്നു."
കാമ്പനെല്ല തന്റെ യാത്രയ്ക്ക് ശേഷം ഒരു വീഡിയോയില് പറഞ്ഞു. "ഫ്ലാറ്റ് എര്ത്ത് സിദ്ധാന്തത്തിന്റെ കേന്ദ്രമായ അസിമുത്തല് ഇക്വിഡിസ്റ്റന്റ് (എഇ) ഭൂപടത്തെയും ഈ അനുഭവം വെല്ലുവിളിച്ചു. എന്നെ സംബന്ധിച്ചിടത്തോളം എഇ മാപ്പ് ഇനി പ്രവര്ത്തിക്കില്ല. അതിനര്ത്ഥം മറ്റെല്ലാ കാര്യങ്ങളിലും ഞാന് ശരിയാണെന്നല്ല." അദ്ദേഹം പറഞ്ഞു.
കൊളറാഡോ പാസ്റ്റര് വില് ഡഫിയുടെ നേതൃത്വത്തില് ദ ഫൈനല് എക്സ്പിരിമെന്റ് എന്ന സംരംഭത്തിന്റെ ഭാഗമായിരുന്നു കാമ്ബനെല്ലയുടെ യാത്ര. മിഡ്നൈറ്റ് സൂര്യനെ നേരിട്ട് കാണാന് അന്റാര്ട്ടിക്കയിലേക്ക് നാല് ഫ്ലാറ്റ് എര്ത്തറുകളെയും നാല് ഗ്ലോബ് എര്ത്തറുകളെയും ദൗത്യം ഒരുമിച്ച് കൊണ്ടുവന്നു. പദ്ധതിയുടെ വിജയം മറ്റൊരു ഫ്ലാറ്റ് എര്ത്ത് അവകാശവാദവും തകര്ത്തു.
'അന്തിമ പരീക്ഷണ'ത്തില് പങ്കെടുക്കുന്നവര്ക്ക് നിയന്ത്രണമില്ലാതെ അന്റാര്ട്ടിക്കയിലേക്ക് പ്രവേശിക്കാന് കഴിയുമെന്ന് കൂടിയാണ് ജെറാനും സംഘവും നടത്തിയ പരീക്ഷണങ്ങള് തെളിയിച്ചിരിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.