കൊളസ്ട്രോള്‍ നിയന്ത്രിച്ച് രോഗപ്രതിരോധശേഷി വർദിപ്പിക്കും:7 ദിവസം വെറും വയറ്റില്‍ വെളുത്തുള്ളി-തേൻ കോബ്രാ കഴിച്ചാല്‍ ഗുണങ്ങളേറെ..

വെളുത്തുള്ളിക്കും തേനിനും നിരവധി ആരോഗ്യ ഗുണങ്ങളുണ്ട് എന്ന കാര്യം അറിയാമല്ലോ. വെളുത്തുള്ളിയും തേനും അവയുടെ ശ്രദ്ധേയമായ ആരോഗ്യ ഗുണങ്ങള്‍ക്കായി വേറിട്ടുനില്‍ക്കുന്നവയാണ്.

എന്നാല്‍ വെളുത്തുള്ളിയും തേനും യോജിപ്പിച്ച്‌ കഴിഞ്ഞാല്‍ ലഭിക്കുന്ന ഗുണങ്ങള്‍ എന്താണെന്ന് അറിയാമോ?

വെളുത്തുള്ളിയും തേനും ശക്തമായ പ്രകൃതിദത്ത ആൻറിബയോട്ടിക്കായി പ്രവർത്തിക്കുന്നു. ജലദോഷം, പനി തുടങ്ങിയ സാധാരണ രോഗങ്ങള്‍ക്കെതിരെ പ്രതിരോധം നല്‍കുന്നുവെന്നാണ് പറയുന്നത്. അതേ സമയം കൊളസ്ട്രോളിൻ്റെ അളവ് നിയന്ത്രിക്കാനും ഇവ സഹായിക്കുന്നു. അതുമാത്രമല്ല മൊത്തത്തിലുള്ള ആരോഗ്യം പ്രോത്സാഹിപ്പിക്കുന്നു.

കലോറി കുറവാണെങ്കിലും വെളുത്തുള്ളി പോഷകങ്ങളുടെ ഒരു നിധിയാണ്. ഇതില്‍ മാംഗനീസ്, വിറ്റാമിൻ ബി6, സെലിനിയം, ഫൈബർ എന്നിവ അടങ്ങിയിട്ടുണ്ട്, ഇത് രോഗപ്രതിരോധ സംവിധാനത്തെ ഫലപ്രദമായി ശക്തിപ്പെടുത്തുന്നു. അതിശയകരമെന്നു പറയട്ടെ, ദിവസവും വെളുത്തുള്ളി കഴിക്കുന്നത് ജലദോഷത്തിൻ്റെ സാധ്യത 63% വരെ കുറയ്ക്കുമെന്ന് ഗവേഷണങ്ങള്‍ തെളിയിച്ചിട്ടുണ്ട്.

വെളുത്തുള്ളിയും തേനും സംയോജിപ്പിക്കുന്നത് ശക്തമായ പ്രകൃതിദത്ത പ്രതിവിധി നല്‍കുന്നു, പ്രത്യേകിച്ച്‌ ജലദോഷം, പനി തുടങ്ങിയ സാധാരണ രോഗങ്ങള്‍ക്കെതിരെ. വെളുത്തുള്ളിയുടെ സള്‍ഫർ സംയുക്തങ്ങളും തേനിൻ്റെ പോഷക ഗുണങ്ങളും രക്തത്തിലെ വിഷാംശം ഇല്ലാതാക്കാൻ നിങ്ങളെ സഹായിക്കും. കൊളസ്ട്രോള്‍ നിയന്ത്രിക്കാനും ഈ കോമ്പിനേഷൻ സഹായകമാകും.

ഈ മിശ്രിതം രോഗങ്ങളെ ചെറുക്കുക മാത്രമല്ല, ത്രോംബോസിസ്, വെരിക്കോസ് വെയിൻ തുടങ്ങിയ അവസ്ഥകളെ തടയുകയും ചെയ്യുന്നു. ഈ മിശ്രിതം ദീർഘകാലത്തേക്ക് സൂക്ഷിച്ച്‌ വെയ്ക്കാൻ സാധിക്കുന്നതാണ്. കൃത്യമായി തയ്യാറാക്കി സൂക്ഷിച്ചാല്‍ വർഷങ്ങളോളം കേടുകൂടാതെ വെയ്ക്കാം. വളരെ എളുപ്പത്തില്‍ തയ്യാറാക്കാൻ സാധിക്കുന്ന ഒന്നാണ്.

ഈ രണ്ട് ചേരുവകളും സംയോജിപ്പിക്കുക മാത്രം ചെയ്താല്‍ മതി. വെളുത്തുള്ളിയുടെ അല്ലിയുടെ പുറം പാളി മാത്രം നീക്കം ചെയ്യുക. വൃത്തിയുള്ള ഒരു ഗ്ലാസ് പാത്രത്തില്‍ വയ്ക്കുക, എന്നിട്ട് തേൻ ഒഴിച്ച്‌ മൂടുക, വായു കുമിളകള്‍ ഇല്ലാതാക്കുന്നത് ഉറപ്പാക്കുക. ഈ മിശ്രിതം, ശരിയായി സൂക്ഷിച്ചാല്‍ രണ്ട് വർഷം വരെ നിലനില്‍ക്കും.

അതേ സമയം, നിങ്ങളുടെ ആരോഗ്യ വ്യവസ്ഥയില്‍ പുതിയ പ്രതിവിധികള്‍ ഉള്‍പ്പെടുത്തുന്നതിന് മുമ്പ് എല്ലായ്പ്പോഴും ഒരു ഹെല്‍ത്ത് കെയർ പ്രൊഫഷണലുമായി ബന്ധപ്പെടുക.

 കൊളസ്ട്രോള്‍ നിയന്ത്രിക്കാനുള്ള ശ്രമത്തിലാണെങ്കില്‍ നിങ്ങള്‍ക്ക് വെളുത്തുള്ളിയും തേനും ചേർന്ന ഈ കോമ്പോ ഒന്ന് പരീക്ഷിക്കാവുന്നതാണ്. അധികമാണെങ്കില്‍ തീർച്ചയായും ഒരു ഡോക്ടറെ തന്നെ കാണുക.