വാഴപ്പഴങ്ങളില്‍ തന്നെ പല വ്യത്യസ്ത ഇനങ്ങളും ലഭിക്കുന്ന നാടാണ് നമ്മുടേത്. പൂവൻപഴം മുതല്‍ ഏത്തപ്പഴം വരെ വ്യത്യസ്തങ്ങളായ ഈ വാഴപ്പഴങ്ങള്‍ക്കിടയില്‍ വിവിധ ഗുണങ്ങള്‍ കൊണ്ട് മായാജാലം കാണിക്കുന്ന ഒരു മജീഷ്യൻ ഉണ്ട്.
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് സഹായകരമാണ് റോബസ്റ്റ. സാധാരണ വാഴപ്പഴത്തിന് പകരം റോബസ്റ്റ ഉപയോഗിക്കുന്നത് കുറഞ്ഞ ഗ്ലൈസെമിക് സൂചിക കാരണം രക്തത്തിലെ പഞ്ചസാരയുടെ പെട്ടെന്നുള്ള വർദ്ധനവ് ഒഴിവാക്കുന്നു.
ഈ കാരണത്താല്‍ തന്നെ റോബസ്റ്റ പ്രമേഹ രോഗികള്‍ക്ക് നിസ്സംശയം തിരഞ്ഞെടുക്കാനുള്ളതാണ്. ദഹനപ്രക്രിയയെ സാവധാനത്തില്‍ വർദ്ധിപ്പിക്കാൻ ഈ പഴം സഹായിക്കുന്നു. അതിനാല്‍ തന്നെ രക്തത്തിലെ പഞ്ചസാരയുടെ അളവ് പെട്ടെന്ന് വർദ്ധിക്കില്ല.
കാർബോഹൈഡ്രേറ്റിൻ്റെ സമ്ബന്നമായ ഉറവിടമാണ് റോബസ്റ്റ പഴം. കൂടാതെ ധാരാളം ഡയറ്ററി ഫൈബറും ഇതില്‍ അടങ്ങിയിട്ടുണ്ട്. റോബസ്റ്റയില്‍ അടങ്ങിയിട്ടുള്ള പ്രോബയോട്ടിക്സിൻ്റെ സ്വഭാവസവിശേഷതകളുള്ള പ്രതിരോധശേഷിയുള്ള അന്നജം വൻകുടലിലെ നല്ല ബാക്ടീരിയകളെ പോഷിപ്പിക്കുന്നതാണ്.
ഇവ കൂടാതെ ഹൃദയത്തിന്റെ ആരോഗ്യത്തിന് ഏറെ ആവശ്യമായ പൊട്ടാസ്യവും റോബസ്റ്റ പഴത്തില്‍ ധാരാളമായി അടങ്ങിയിട്ടുണ്ട്. പൊട്ടാസ്യത്തിൻ്റെ ദൈനംദിന ആവശ്യത്തിൻ്റെ 10% ലഭിക്കാൻ ഒരു ഇടത്തരം റോബസ്റ്റ പഴം കഴിച്ചാല്‍ മതി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.