റോഡ് മുറിച്ച്‌ കടക്കുന്നതിനിടെ ബൈക്കിടിച്ച്‌ തെറിപ്പിച്ചു; 85കാരന് ദാരുണാന്ത്യം,

ചേര്‍ത്തല: ആലപ്പുഴ ചേര്‍ത്തലയില്‍ ദേശീയപാതയില്‍ വീണ്ടും അപകടമരണം.  പട്ടണക്കാട് പുതിയകാവിനു സമീപം ബൈക്കിടിച്ചു വയോധികന്‍ മരിച്ചു.

അരൂര്‍ പഞ്ചായത്ത് 21-ാം വാര്‍ഡ് അമ്ബനേഴത്ത് വാസവന്‍(85)ആണ് മരിച്ചത്. മകളുടെ വീട്ടിലേക്കു പോകാന്‍ കാല്‍നടയായി റോഡ് മുറിച്ചു കടക്കുന്നതിനിടെയായിരുന്നു അപകടം സംഭവിച്ചത്.

ഗുരുതരമായി പരിക്കേറ്റ വാസവനെ ഉടനെ തന്നെ ചേര്‍ത്തല താലൂക്ക് ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളേജിലും പ്രവേശിപ്പിച്ചെങ്കിലും  രാത്രിയോടെ മരിച്ചു. ഭാര്യ: രാധ. മക്കള്‍: രഞ്ജിനി, ഷൈല, ലല്ലി, ബിന്ദു. മരുമക്കള്‍: രമേശന്‍, കുട്ടന്‍, ലെവന്‍