ക്ഷേത്രത്തില്‍ താലപ്പൊലിക്ക് പോയ വയോധികയെ കാണാതായി; സിസിടിവി ദൃശ്യങ്ങള്‍ പരിശോധിച്ചപ്പോള്‍ കണ്ടത് ദയനീയ അന്ത്യം,
0Sub-Editor 📩: dailymalayalyinfo@gmail.comചൊവ്വാഴ്ച, ഡിസംബർ 24, 2024
ചേർത്തല: ക്ഷേത്രക്കുളത്തില്‍ കൈകഴുകാനെത്തിയ വയോധിക കാല്‍ വഴുതി കുളത്തിലേക്ക് വീണ് മരിച്ചു. മാരാരിക്കുളം വടക്ക് പഞ്ചായത്ത് കണിച്ചുകുളങ്ങര കൊച്ചുവെളിവീട്ടില്‍ രഘുവരന്റെ ഭാര്യ 80 വയസ്സുകാരിയായ സുധാമണി ആണ് മരിച്ചത്.
താലപ്പൊലിയ്ക്കായി കണിച്ചുകുളങ്ങര ക്ഷേത്രത്തില്‍ എത്തിയ വയോധികയെ കാണാതാകുകയായിരുന്നു. തുടർന്ന് സിസിടിവി ദൃശ്യങ്ങളുടെ അടിസ്ഥാനത്തില്‍ നടത്തിയ പരിശോധനയിലാണ് അപകട വിവരം അറിയുന്നത് .
കൈ കഴുകാനായി ക്ഷേത്ര കുളത്തില്‍ എത്തിയപ്പോള്‍ കാല്‍വഴുതി വീഴുകയും താഴ്ചയിലേക്ക് പോവുകയുമായിരുന്നു. അപകട സമയത്ത് ആരും അടുത്ത് ഉണ്ടായിരുന്നില്ല. ക്ഷേത്രത്തിലെ സിസിടിവി ദൃശ്യങ്ങള്‍ പരിശോധിച്ചാണ് അപകടം സ്ഥിരീകരിച്ചത്.
മാരാരിക്കുളം പൊലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. സുരേത, സുരിജ, സുവർണ്ണ, പരേതനായ സുരേഷ് എന്നിവരാണ് മരിച്ച സുധാമണിയുടെ മക്കള്‍. മരുമക്കള്‍ - പൊന്നൻ, മായ, സ്വാമിനാഥൻ, ഉല്ലാസ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.