ആംബുലൻസ് താഴ്ചയിലേക്ക് മറിഞ്ഞ് അപകടം; രോഗി മരിച്ചു

കൊച്ചി: എറണാകുളത്ത് ആംബുലൻസ് താഴ്ചയിലേക്ക് മറിഞ്ഞ് രോഗി മരിച്ചു.

രോഗിയുമായി ആശുപത്രിയിലേക്ക് പോകുന്നതിനിടെയാണ് അപകടം ഉണ്ടായത്. ആംബുലൻസിലുണ്ടായിരുന്ന രോഗിയാണ് മരിച്ചത്. എറണാകുളം പിറവം മുളക്കുളത്താണ് അപകടമുണ്ടായത്. റോഡിൽ നിന്ന് ആംബുലൻസ് താഴേക്ക് മറിയുകയായിരുന്നു.

അപകടത്തിൽ വാഹനം പൂർണമായി തകർന്നു.  രോഗിയെ കൂടാതെ ഡ്രൈവറടക്കം നാലുപേരാണ് ആംബുലൻസിലുണ്ടായിരുന്നത്. ഇവരെ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇന്ന് രാത്രിയോടെയാണ് അപകടമുണ്ടായത്.