ഭക്ഷ്യവസ്തുക്കൾ പൊതിയാൻ പത്രക്കടലാസുകൾ ഉപയോഗിക്കരുത്; ഭക്ഷ്യ സുരക്ഷാ വകുപ്പിന്റെ കർശന നിർദ്ദേശം

തിരുവനന്തപുരം: ഭക്ഷ്യവസ്തുക്കൾ പൊതിയാൻ പത്രക്കടലാസുകൾ ഉപയോഗിക്കരുതെന്ന് ഭക്‌ഷ്യ വകുപ്പിൻ്റെ നിർദ്ദേശം.

ഭഷ്യസുരക്ഷാ അസിസ്റ്റൻ്റ് കമ്മീഷണർ മാർഗ നിർദ്ദേശം പുറത്തിറക്കി.  പത്രക്കടലാസുകളിൽ ലെഡ് പോലെയുള്ള രാസവസ്തുക്കൾ അടങ്ങിയിട്ടുണ്ട് ഇവ നേരിട്ട് ഭക്ഷണത്തിൽ കലരുന്നത് ആരോഗ്യത്തെ ഹാനികരമായി ബാധിക്കുമെന്ന് നിർദ്ദേശം പറയുന്നു.

എണ്ണ പലഹാരങ്ങളിലെ എണ്ണ നീക്കം ചെയ്യുന്നതിനും പത്രക്കടലാസുകൾ ഉപയോഗിക്കരുതെന്നും നിർദ്ദേശങ്ങളിൽ പറയുന്നു. ഭക്ഷണം പൊതിയുന്നതിനും സംഭരിക്കുന്നതിനും ഫുഡ് ഗ്രേഡ് കണ്ടെയ്‌നറുകൾ ഉപയോഗിക്കണമെന്നും ഭക്ഷ്യസുരക്ഷാ അസിസ്റ്റൻ്റ് കമ്മീഷണർ നിർദ്ദേശിച്ചു.