ആത്മകഥ വിവാദം; പോലീസ് ഇ പി ജയരാജന്റെ മൊഴി രേഖപ്പെടുത്തി

കണ്ണൂർ: ആത്മകഥാ വിവാദത്തിൽ സിപിഎം നേതാവ് ഇ പി ജയരാജൻ്റെ മൊഴി പൊലീസ് രേഖപ്പെടുത്തി.

കോട്ടയത്തുനിന്നെത്തിയ പൊലി സംഘമാണ് കണ്ണൂർ കീച്ചേരിയിലെ ജയരാജൻ്റെ വീട്ടിലെത്തി മൊഴിയെടുത്തത്. ഐപിയുടെ പരാതിയുടെ അടിസ്ഥാനത്തിലാണു നടപടിയെന്ന് ഉദ്യോഗസ്ഥർ പറഞ്ഞു. വിവാദത്തിൽ ഡിസി ബുക്ക് ഉടമ രവി ഡിസിയുടെ മൊഴി രേഖപ്പെടുത്താനും പൊലീസ് തീരുമാനിച്ചിട്ടുണ്ട്. ഉപതെരഞ്ഞെടുപ്പ് ദിനത്തിൽ ഐപി ജയരാജൻ്റെ ആത്മകഥ എന്ന പേരിൽ പുറത്തുവന്ന പുസ്തകവുമായി ബന്ധപ്പെട്ട വിവാദങ്ങളിലാണ് പൊലീസ് നടപടി.

ജയരാജൻ്റെ ആത്മകഥ എന്ന പേരിൽ ഡിസി ബുക്ക്‌സ് പുറത്തുവിട്ട പരസ്യവും പുറത്തുവന്ന പുസ്തകത്തിലെ ഉള്ളടക്കവും സിപിഎം നേതാവ് തള്ളിയിരുന്നു. എഴുതിക്കൊണ്ടിരിക്കുന്ന ആത്മകഥ ആരെയും പ്രസിദ്ധീകരിക്കാൻ ഏൽപ്പിച്ചിട്ടില്ലെന്നായിരുന്നു അദ്ദേഹത്തിൻ്റെ വാദം. ഡിസി കരാറുമായി ഇല്ലെന്ന് അദ്ദേഹം വ്യക്തമാക്കി. 

സംഭവത്തിനു പിന്നിൽ ഗൂഢാലോചനയുണ്ടെന്നും അന്വേഷണത്തിന് ആവശ്യപ്പെട്ട് ജയരാജൻ ഡിജിപിക്ക് പരാതി നൽകിയിരുന്നു. ഇതിൻ്റെ മൊഴി രേഖപ്പെടുത്തുന്നത്. ഡിസി ബുക്‌സ് ജീവനക്കാരിൽനിന്നും പൊലീസ് വിവരങ്ങൾ തേടിയിരുന്നു.