ജാർഖണ്ഡ് നിയമസഭാ തിരഞ്ഞെടുപ്പ് ആരൊക്കെ ഏതൊക്കെ സീറ്റ്?; ഇൻഡ്യ സംഖ്യത്തിന്റെ സീറ്റ് വിഭജനം പൂർത്തിയായി

റാഞ്ചി: ജാർഖണ്ഡ് നിയമസഭാ തിരഞ്ഞെടുപ്പിലേക്കുള്ള ഇൻഡ്യ സഖ്യത്തിൻ്റെ സീറ്റ് വിഭജനം പൂർത്തിയായി.

മുഖ്യമന്ത്രി ഹേമന്ത് സോറൻ്റെ ജാർഖണ്ഡ് മുക്തിമോർച്ച (ജെഎംഎം) 43 സീറ്റുകളിൽ മത്സരിക്കും. 30 സീറ്റുകളിൽ മത്സരിക്കുക. ആർജെഡി ആറ് സീറ്റുകളിലും ഇടതുപാർട്ടികൾ മൂന്ന് സീറ്റുകളിലും മത്സരിക്കാനും ധാരണയായി. ധനവർ, ഛത്രപൂർ, വിശ്രാംപൂർ നിയമസഭാ സീറ്റുകളിൽ ഇൻഡ്യ സഖ്യ കക്ഷികൾ തമ്മിൽ സൗഹൃദമത്സരം നടക്കും. ധനവരിൽ ബിജെപിയുമായ മുതിർന്ന നേതാവും മുൻ എംപി ബാബുലാൽ മറാണ്ടി ആണ് മത്സരരംഗത്തുള്ളത്.

ജെഎംഎം, ആർജെഡി, സിപിഐഎംഎൽ എന്നിവ സംയുക്തമായി നിയമസഭാ തിരഞ്ഞെടുപ്പിനെ നേരിടാൻ തീരുമാനിച്ചു. മൂന്നു സീറ്റുകളിൽ ഈ ധാരണ ബാധകമല്ല. ധനവാറിൽ ജെഎംഎം- സിപിഐഎംഎൽ സൗഹൃദമത്സരം. ജെഎംഎം ജനറൽ സെക്രട്ടറി വിനോദ് പാണ്ഡേ മാധ്യമങ്ങളോട് പറഞ്ഞു.

അതേസമയം, സീറ്റ് ധാരണകളെക്കുറിച്ച് ഇന്ത്യൻ സഖ്യം പ്രഖ്യാപിച്ചിട്ടില്ല. 82 അംഗ ജാർഖണ്ഡ് നിയമസഭയിലേക്ക് രണ്ട് ഘട്ടങ്ങളിലാണ് തിരഞ്ഞെടുപ്പ്. നവംബർ 13 മുതൽ 20നുമാണ് വോട്ടെടുപ്പ്. നവംബർ 23നാണ് വോട്ടെണ്ണൽ. ആദ്യഘട്ട സ്ഥാനാർത്ഥി പട്ടിക ഭരണകക്ഷിയായ ജെഎംഎം പുറത്തുവിട്ടിരുന്നു. മുഖ്യമന്ത്രി ഹേമന്ത് സോറൻ ബാർഹെത് സീറ്റിലാണ് മത്സരിക്കുക. 

അദ്ദേഹത്തിൻ്റെ ഭാര്യ കൽപന മുർമു സോറൻ ഗാനേ സീറ്റിൽ നിന്ന് ജനവിധി തേടും.  അതിനിടെ, ജാർഖണ്ഡിനുള്ള 1.36 ലക്ഷം കോടി രൂപയുടെ കൽക്കരി കുടിശ്ശിക തീർക്കാൻ കേന്ദ്രത്തോട് കൂപ്പുകൈകളോടെ അഭ്യർത്ഥിക്കുകയാണെന്ന് മുഖ്യമന്ത്രി ഹേമന്ത് സോറൻ ഇന്ന് പറഞ്ഞിരുന്നു. 

പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും ജാർഖണ്ഡ് തെരഞ്ഞെടുപ്പിനു മുന്നോടിയായി സംസ്ഥാനം സന്ദർശിക്കാനിരിക്കെയാണ് സോറൻ്റിൻ്റെ അഭ്യർത്ഥന. ജാർഖണ്ഡിൽ നവംബർ നാലിന് മോദി രണ്ട് റാലികളിലും നവംബർ മൂന്നിന് ഷാ മൂന്ന് പൊതുയോഗങ്ങളിലും പങ്കെടുക്കുന്നുണ്ട്.