ബിജെപി സംസ്ഥാന അദ്ധ്യക്ഷ സ്ഥാനത്തേക്ക് ഇനിയില്ല; പാർട്ടി മറ്റ് നിരവധി ചുമതലകൾ നൽകിയിട്ടുണ്ട്; വി മുരളീധരൻ

കൊച്ചി: ബിജെപി സംസ്ഥാന അധ്യക്ഷ സ്ഥാനത്തേക്ക് ഇനിയില്ലെന്ന് വ്യക്തമാക്കി വി മുരളീധരൻ.

പാർട്ടി പറഞ്ഞാൽ അധ്യക്ഷ സ്ഥാനം ഏറ്റെടുക്കുമോയെന്ന മാധ്യമപ്രവർത്തകരുടെ ചോദ്യത്തിന് മുരളീധരൻ മറുപടി പറയുകയായിരുന്നു. പറയാനുള്ളത് പറയേണ്ട വേദിയിൽ. മാധ്യമപ്രവർത്തകർക്ക് ബിജെപിയോടുള്ള സ്നേഹം തനിക്ക് മനസിലാകും. അമ്മയെ തല്ലുന്നത് നിർത്തിയോ എന്നതുപോലത്തെ ചോദ്യങ്ങളാണ് മാധ്യമങ്ങൾ ചോദിക്കുന്നത്. അഭിപ്രായങ്ങൾ പറയേണ്ട സ്ഥലത്താണ് പറയുന്നതെന്നും വി മുരളീധരൻ പറഞ്ഞു.

തിരഞ്ഞെടുപ്പ് തോൽവിയുടെ ഉത്തരവാദിത്തം മറ്റുള്ളവരുടെ തലയിൽ കെട്ടിവെക്കില്ലെന്ന് സംസ്ഥാന ബിജെപി അധ്യക്ഷൻ കെ സുരേന്ദ്രൻ പറഞ്ഞു. പ്രസിഡൻറ് സ്ഥാനത്ത് തുടരണോ എന്ന കാര്യത്തിൽ തീരുമാനം എടുക്കേണ്ടത് കേന്ദ്ര നേതൃത്വമാണെന്നും സുരേന്ദ്രൻ പറഞ്ഞു. 

തിരഞ്ഞെടുപ്പ് പരാജയത്തിൻ്റെ ധാർമിക ഉത്തരവാദിത്തം തനിക്കാണെന്നും തൻ്റെ പ്രവർത്തനം ഓഡിറ്റ് ചെയ്യുമെന്നും സുരേന്ദ്രൻ വാർത്താ സമ്മേളനത്തിൽ പറഞ്ഞു. അതേസമയം അഭ്യൂഹങ്ങളെ സുരേന്ദ്രൻ തള്ളി.