കൊല്ലത്ത് ഓടികൊണ്ടിരുന്ന കാറിന് തീപിടിച്ചു; കാർ പൂർണമായും കത്തി നശിച്ചു

കൊല്ലം: കൊല്ലം രാമൻകുളങ്ങരയിൽ ഓടിക്കൊണ്ടിരുന്ന കാറിന് തീ പിടിച്ചു.

മരുത്തടി കന്നിമേൽ ചേരി സ്വദേശി പ്രദീപ് കുമാറിൻ്റെ കാറാണ് തീപിടിച്ചത്. സംഭവസമയത്ത് പ്രദീപ് കുമാറും ഭാര്യയുമാണ് കാറിലുണ്ടായിരുന്നത്. കാറിൻ്റെ  മുൻവശത്ത് നിന്നും പുക ഉയരുന്നത് കണ്ടയുടൻ രണ്ട് പേരും പുറത്തിറങ്ങിയതിനാൽ വൻ അപകടമാണ് ഒഴിവായത്.

അപകടത്തിൽ വാഹനം പൂർണമായും കത്തി നശിച്ചു. പിന്നീട് അഗ്നിശമന സേന എത്തിയാണ് തീയണച്ചത്.