പത്തനംതിട്ട ; ആറ്റം എന്ന പ്രഥമചിത്രത്തിലൂടെ തന്നെ മികച്ച സിനിമ, മികച്ച തിരക്കഥ എന്നിവയ്ക്കുള്ള ദേശീയ പുരസ്കാരങ്ങൾ സ്വന്തമാക്കിയ ചലച്ചിത്ര പ്രതിഭ ആനന്ദ ഏകർഷിക്ക് ജന്മനാടായ മല്ലപ്പള്ളിയിൽ വൻ പൗരസ്വീകരണം നല്കുന്നു.
ഇപ്പോൾ കൊച്ചിയിൽ താമസിക്കുന്ന മല്ലപ്പളളി മടുക്കോലി കണ്ണമല കെ എം ഏബ്രഹാം,സൗമി ദമ്പതികളുടെ മകനായ ആനന്ദിന് മല്ലപ്പളളി പൗരാവലിയുടെ അനുമോദനവും ആദരവും അർപ്പിച്ചുകൊണ്ടുള്ള പൊതുസമ്മേളനം 2024 നവംബർ 19 ചൊവ്വാഴ്ച ഉച്ചകഴിഞ്ഞ് മൂന്നു മണിക്ക് മല്ലപ്പളളി സെന്റ് ജോൺസ് ബഥനി ഓർത്തഡോക്സ് പള്ളിയുടെ ആഡിറ്റോറിയത്തിൽ ചേരുന്നതാണ്.
അഡ്വ മാത്യു ടി തോമസ് എംഎൽഎയുടെ അധ്യക്ഷതയിൽ ചേരുന്ന അനുമോദനം സമ്മേളനം ബഹു സംസ്ഥാന ആരോഗ്യവകുപ്പ് മന്ത്രി വീണ ജോർജ് ഉദ്ഘാടനം ചെയ്യുന്നതും മുൻ രാജ്യസഭാ ഉപാധ്യക്ഷൻ പ്രൊഫ പി ജെ കുര്യൻ,ആന്റോ ആന്റണി എംപി എന്നിവർ മുഖ്യപ്രഭാഷണം നടത്തുന്നതുമാണ്.രാഷ്ട്രീയ സാമൂഹ്യ സാംസ്കാരിക ആധ്യാത്മിക മേഖലകളിലെ പ്രമുഖ വ്യക്തിത്വങ്ങൾ ആശംസകൾ അറിയിക്കും.
സ്വീകരണം സമ്മേളനത്തിന്റെ വിജയത്തിനായി മല്ലപ്പളളി ഗ്രാമപഞ്ചായത്ത് പ്രസിഡണ്ട് വിദ്യമോൾ എസ് അധ്യക്ഷയും എൽഡിഎഫ് ജില്ല കൺവീനറും ഓട്ടോകാസ്റ്റ് ചെയർമാനുമായ അലക്സ് കണ്ണമല കൺവീനറുമായ വിപുലമായ ജനകീയ കമ്മറ്റി രൂപികരിച്ചു പ്രവർത്തിച്ചുവരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.