ശമ്പള വിതരണം വൈകിയെന്ന് ആരോപിച്ച് വെള്ളനാട് ബ്ലോക്ക് ഐ സി ഡി എസ് ഓഫീസിനു മുന്നിൽ അംഗൻവാടി ജീവനക്കാർ പ്രതിഷേധിച്ചു

തിരുവനന്തപുരം: വെള്ളനാട് കുറ്റിച്ചൽ കാട്ടാക്കട പൂവച്ചൽ എന്നിവിടങ്ങളിലെ അംഗൻവാടി ജീവനക്കാരാണ് ശമ്പളം വൈകിയതിൽ പ്രതിഷേധവുമായി എത്തിയത്.

സംസ്ഥാനവും കേന്ദ്രവും പഞ്ചായത്തുമാണ് അംഗൻവാടി ജീവനക്കാർക്ക് ശമ്പളം നൽകുന്നത്.ഇതിൽ സർക്കാരിന്റെ വിഹിതം ലഭിച്ചുവെന്ന് അംഗൻവാടി ജീവനക്കാർ പറഞ്ഞു പഞ്ചായത്തിന്റെയും കേന്ദ്രത്തിന്റെയും വിഹിതമാണ് ലഭിക്കാൻ ഉള്ളത്

ഇത് സമയബന്ധിതമായി ലഭിച്ചില്ലെന്നും ഉദ്യോഗസ്ഥർ യഥാസമയം ഇടപെടാത്തത് കൊണ്ടാണ് ഈ സ്ഥിതി ഉണ്ടായതെന്നുമാണ് അംഗൻവാടി ജീവനക്കാരുടെ പരാതി