തിരുവനന്തപുരം: കൊടകര കുഴല്പ്പണക്കേസ് അന്വേഷിക്കാന് കൊച്ചി ഡിസിപി കെ.എസ് സുദര്ശന്റെ നേതൃത്വത്തിലുള്ള എട്ടംഗ സംഘത്തെ നിയോഗിച്ചു. തൃശൂര് റേഞ്ച് ഡിഐജി തോംസണ് ജോസാണാണ് അന്വേഷണ സംഘത്തിന്റെ മേല്നോട്ട ചുമതല.
കൊടകര കുഴല്പ്പണ ഇടപാടിന്റെ സമയത്ത് ബിജെപി ജില്ലാ ഓഫീസ് സെക്രട്ടറിയായിരുന്ന തിരൂര് സതീഷിന്റെ വെളിപ്പെടുത്തലിനു പിന്നാലെയാണു സര്ക്കാര് നീക്കം. കൊടകരയില് പിടികൂടിയ മൂന്നരക്കോടിയുടെ കുഴല്പ്പണം ബിജെപി ഓഫീസില് എത്തിച്ചാണ് കടത്തിയതെന്ന് തിരൂര് സതീഷ് വെളിപ്പെടുത്തിയിരുന്നു.
കേസില് പുനരന്വേഷണത്തിന് അനുമതി തേടി സര്ക്കാര് ഇരിങ്ങാലക്കുട കോടതിയില് ഹര്ജി നല്കിയിരുന്നു. പുനരന്വേഷണത്തിന് കോടതിയുടെ അനുമതി ലഭിച്ചാല് ഉടന് കേസില് അന്വേഷണം ആരംഭിക്കും.
2021-ല് നിയമസഭാ തെരഞ്ഞെടുപ്പ് നടക്കുന്ന സമയത്താണ് തൃശൂരിലെ കൊടകരയില് വാഹനം തട്ടിക്കൊണ്ടുപോയി മൂന്നരക്കോടിയുടെ കുഴല്പ്പണം കവര്ന്നത്. വ്യാജ വാഹനാപകടമുണ്ടാക്കി 25 ലക്ഷം രൂപ നഷ്ടപ്പെട്ടെന്നായിരുന്നു ആദ്യം പരാതി ഉയര്ന്നത്. പിന്നീട് മൂന്നരക്കോടി നഷ്ടപ്പെട്ടെന്ന് പരാതിയുണ്ടായി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.