ജീവനൊടുക്കുമെന്ന് ഭീഷണി: രക്ഷാപ്രവർത്തനത്തിനിടെ അഗ്നിരക്ഷാ സേനാംഗത്തിന് കുത്തേറ്റു,

തൃശൂർ : വീടിന് മുകളില്‍ കയറി നിന്ന് ആത്മഹത്യാ ഭീഷണി മുഴക്കിയ ആളെ കീഴ്പ്പെടുത്തുന്നതിനിടെ ഫയർ ആൻഡ് റെസ്ക്യൂ ഓഫീസർക്ക് കുത്തേറ്റു.

ഓഫീസർ യദുരാജിനാണ് മുഖത്ത് കുത്തേറ്റത്. തൃശൂർ കാളത്തോട് സ്വദേശിയായ സുല്‍ഫിക്കർ (50) ടെറസിന് മുകളില്‍ കത്തിയുമായി നിന്ന് ആത്മഹത്യാ ഭീഷണി മുഴക്കുകയായിരുന്നു.

സമീപവാസികള്‍ വിവരം അറിയിച്ചതിനെ തുടർന്നാണ് ഇയാളെ താഴെയിറക്കാനായി ഫയർഫോഴ്സ് സംഘമെത്തിയത്. സുല്‍ഫിക്കറിനെ കീഴ്പ്പെടുത്തതിനിടെ, കൈയില്‍ ഉണ്ടായിരുന്ന കത്തി ഉപയോഗിച്ച്‌ യദുരാജിനെ കുത്തുകയായിരുന്നു. യദുരാജിനെ ആശുപത്രിയില്‍ പ്രവേശിപ്പിച്ചു.