ഹെഡ് സെറ്റ് വെച്ച്‌ ഫോണില്‍ ഗെയിംസ് കളിച്ചു പാളത്തിലൂടെ നടന്നു; ട്രെയിന്‍ ഇടിച്ച്‌ രണ്ട് വിദ്യാര്‍ഥികള്‍ക്ക് ദാരുണാന്ത്യം,

സേലം: മൊബൈലില്‍ വീഡിയോ ഗെയിം കളിച്ച്‌ റെയില്‍വെ ട്രാക്കിലൂടെ നടന്ന കുട്ടികള്‍ ട്രെയിൻ ഇടിച്ച്‌ മരിച്ചു. ദിനേശ്, ആർ.അരവിന്ദ് എന്നിവരാണ് മരിച്ചത്.

യതാപൂർ ഗവണ്‍മെൻ്റ് ഹയർ സെക്കണ്ടറി സ്കൂള്‍ പ്ലസ് വണ്‍ വിദ്യാർത്ഥികളാണ് ഇവർ.

ഇരുവരും സേലം പുത്തിരഗൗണ്ടപാളയം സ്വദേശികളാണ്. ഹെഡ് സെറ്റ് ഉപയോഗിച്ചതിനാല്‍ ട്രെയിൻ വരുന്നത് അറിഞ്ഞിരുന്നില്ല.. സേനം - വൃധചലം പാസഞ്ചർ ട്രെയിൻ ഇടിച്ചാണ് മരണം. ദിനേഷ് സംഭവസ്ഥലത്ത് തന്നെ മരിച്ചു.

അരവിന്ദിനെ തൊട്ടടുത്തെ സർക്കാർ ആശുപത്രിയിലും പിന്നീട് സേലം മെഡിക്കല്‍ കോളജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. സേലം പൊലീസ് കേസെടുത്തിട്ടുണ്ട്.