റെയില്‍വേ പാളത്തില്‍ വിള്ളല്‍; ട്രെയിനുകള്‍ വൈകിയോടുന്നു, ഈ ജില്ലക്കാര്‍ ശ്രദ്ധിക്കുക

കോട്ടയം: കോട്ടയം ജില്ല വഴിയുള്ള ട്രെയിനുകള്‍ വൈകിയോടുന്നു. അടിച്ചിറ- പാറോലിക്കല്‍ ഗേറ്റുകള്‍ക്കിടയില്‍ റെയില്‍വേ പാളത്തില്‍ വിള്ളല്‍ കണ്ടെത്തിയതിനെത്തുടർന്നാണിത്.

വെല്‍ഡിംഗ് തകരാർ മൂലമാണ് വിള്ളല്‍ ഉണ്ടായതെന്നാണ് വിവരം.

പരശുറാം, ശബരി എക്‌സ്‌പ്രസുകളും കൊല്ലം- എറണാകുളം മെമു ട്രെയിനും അരമണിക്കൂറിലധികം പല സ്റ്റേഷനുകളിലായി പിടിച്ചിട്ടു.

വിള്ളല്‍ താത്‌കാലികമായി പരിഹരിച്ചെങ്കിലും കോട്ടയത്തിനും ഏറ്റുമാനൂരിനും ഇടയില്‍ എല്ലാ ട്രെയിനുകളും വേഗം കുറച്ച്‌ ഓടുകയാണ്.