ആശങ്കയ്ക്കൊടുവില്‍ ആശ്വാസം: കളമശ്ശേരിയില്‍ ബുള്ളറ്റ് ടാങ്കര്‍ അപകടത്തില്‍ പെട്ടു, വാതകച്ചോര്‍ച്ച പരിഹരിച്ചത് പുലര്‍ച്ചെ, ഒഴിവായത് വൻ ദുരന്തം,

കൊച്ചി: എറണാകുളം കളമശ്ശേരിയില്‍ അപകടത്തില്‍പ്പെട്ട ബുള്ളറ്റ് ടാങ്കറില്‍ നിന്ന് നേരിയ വാതകചോർച്ച. മണിക്കൂറുകള്‍ നീണ്ട ശ്രമത്തിനൊടുവില്‍ ടാങ്കർ ഉയ‍ർത്തുകയായിരുന്നു.

ക്രെയിൻ ഉപയോഗിച്ചാണ് ടാങ്കർ വലിച്ചു മാറ്റിയത്. മീഡിയനിലിടിച്ചായിരുന്നു ടാങ്കർ ലോറി മറിഞ്ഞത്. ടാങ്കറില്‍ നിന്ന് നേരിയ രീതിയിലുണ്ടായ വാതകച്ചോർച്ച ആശങ്ക സൃഷ്ടിച്ചെങ്കിലും ആറുമണിക്കൂറെടുത്ത് അത് പരിഹരിക്കുകയായിരുന്നു.

ഫയർഫോഴ്സും   പൊലീസും ചേർന്നായിരുന്നു രക്ഷാപ്രവർത്തനം. ഇന്ന് പുലർച്ചെയോടെയാണ് ടാങ്കറിൻ്റെ ചോർച്ച അടച്ചത്.