അവിവാഹിതർക്കായി ഒരു സംഗമം: കൊച്ചിയിൽ അവിവാഹിതരുടെ മഹാസംഗമം; പങ്കെടുത്തത് ആയിരങ്ങള്‍,

കൊച്ചി: കൊച്ചിയില്‍ അവിവാഹിതരുടെ മഹാസംഗമം നടത്തി.ആയിരങ്ങളാണ് മഹാ സംഗമത്തില്‍ പങ്കെടുത്തത്. കേരള ലാറ്റിൻ കാത്തലിക് അസോസിയേഷൻ (കെഎല്‍സിഎ) കൊച്ചി രൂപതയുടെ നേതൃത്വത്തിലാണ് മഹാസംഗമം നടത്തിയത്.

സംഗമത്തില്‍ കൊച്ചി, ആലപ്പുഴ, വാരാപ്പുഴ തുടങ്ങിയ രൂപതകളില്‍ നിന്നുള്ള പ്രതിനിധികള്‍ പങ്കെടുത്തു. രൂപത ഡയറക്ടർ ഫാദർ ആൻറണി കുഴിവേലില്‍ സമ്മേളനം ഉദ്ഘാടനം ചെയ്തു.

 കെഎല്‍സിഎ രൂപത പ്രസിഡൻറ് പൈലി ആലുങ്കല്‍, അധ്യക്ഷത വഹിച്ചു. ജീസസ് യൂത്ത് കോഡിനേറ്റർ ബോണി വലിയപറമ്പില്‍, ചവറ കള്‍ച്ചറല്‍ സെൻറർ കോഡിനേറ്റർ ജോസഫ് സി മാത്യു എന്നിവർ ക്ലാസുകള്‍ നയിച്ചു.

ബാബു കാളിപ്പറമ്പില്‍, ജോബ് പുളിക്കില്‍, ടി എ ഡാല്‍ഫിൻ, സാബു കാനക്കാപള്ളി, ഷാജു ആനന്ദശ്ശേരി, സിന്ധു ജസ്റ്റിസ്, ഹെൻസണ്‍ പോത്തംപള്ളി, വിദ്യ ജോജി, സെബാസ്റ്റ്യൻ കെ ജെ എന്നിവർ സംസാരിച്ചു.