നടിയെ സമൂഹമാധ്യമത്തിലൂടെ അശ്ലീലകരമായി ചിത്രീകരിച്ച് പണം തട്ടാൻ ശ്രമം: പ്രതി പിടിയില്‍,
0Sub-Editor 📩: dailymalayalyinfo@gmail.comഞായറാഴ്‌ച, നവംബർ 10, 2024
കൊച്ചി: സമൂഹമാധ്യമത്തിലൂടെ നടിയെ അശ്ലീലകരമായി ചിത്രീകരിച്ചയാള്‍ പിടിയില്‍. സിനിമയിലെ സ്ക്രിപ്റ്റ് റൈറ്ററാണെന്ന് അവകാശപ്പെടുന്ന പാലക്കാട് അഗളി സ്വദേശിയായ ശ്രീജിത്ത് രവീന്ദ്രനാണ് (28) കൊച്ചി സൈബർ പൊലീസിന്‍റെ പിടിയിലായത്.
നടിമാരുടെ ഫോട്ടോ പ്രൊഫൈല്‍ പിക്‌ചറുകളായി ഉപയോഗിച്ച്‌ വ്യാജ ഫേസ്ബുക്ക് അക്കൗണ്ടുകള്‍ നിർമിച്ച്‌ നടിമാരാണെന്ന വ്യാജേന വിഡിയോ കാളില്‍ സംസാരിക്കാമെന്നുപറഞ്ഞ് കബളിപ്പിച്ച്‌ പണം തട്ടിയെടുക്കലാണ് ഇയാളുടെ രീതി. പണം നഷ്ടപ്പെടുന്നവർ നാണക്കേട് ഭയന്ന് പൊലീസില്‍ പരാതി നല്‍കാറില്ല.
സിറ്റി പൊലീസ് കമീഷണർ പുട്ട വിമലാദിത്യന് നടി നല്‍കിയ പരാതിയിലാണ് സൈബർ പൊലീസ് കേസ് രജിസ്റ്റർ ചെയ്തത്. രാത്രി അഗളിയില്‍നിന്നാണ് അറസ്റ്റ് ചെയ്തത്.
സമൂഹമാധ്യമത്തിലൂടെ വിഡിയോകളും മറ്റും പോസ്റ്റ് ചെയ്ത് പ്രശ്നമുണ്ടാക്കിയ സംഭവങ്ങളില്‍ അഗളി, കോങ്ങാട് പൊലീസ് ഇയാള്‍ക്കെതിരെ കേസെടുക്കുകയും റിമാൻഡിലാക്കുകയും ചെയ്തിട്ടുണ്ട്. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.