എ ഡി എം നവീൻ ബാബുവിന്റെ മരണത്തിൽ നവീന്റെ ഭാര്യാ മഞ്ജുഷയുടെ മൊഴി അന്വേഷണസംഘം രേഖപ്പെടുത്തും

കണ്ണൂർ: എ ഡി എം നവീൻ ബാബുവിന്റെ മരണത്തിൽ നവീന്റെ ഭാര്യാ മഞ്ജുഷയുടെ മൊഴി അന്വേഷണസംഘം രേഖപ്പെടുത്തും. നാളെയോ മറ്റന്നാളോ അന്വേഷണസംഘം പത്തനംതിട്ടയിലെ നവീന്റെ വീട്ടിൽ എത്തും. എസ് ഐ ടി പബ്ലിക് പ്രോസിക്യൂട്ടറുമായി ചർച്ച നടത്തി. നിയമപരമായ കാര്യങ്ങളാണ് ചർച്ചയിൽ എസ് ഐ ടി പരിശോധിച്ചത്.

അതേസമയം നവീൻ ബാബുവിന്റെ മരണത്തിൽ പോലീസ് കസ്റ്റഡിയിലെടുത്ത കണ്ണൂർ മുൻ ജില്ലാ പഞ്ചായത്ത് പ്രസിഡന്റ് പി പി ദിവ്യയുടെ ജാമ്യാപേക്ഷയിൽ നാളെ വിധി പറയും. തലശ്ശേരി അഡീഷണൽ സെഷൻസ് കോടതിയാണ് വിധി പറയുക.