ഉപഭോക്താക്കള്ക്ക് വളരെ കാലമായി കാത്തിരുന്ന പുതിയ അപ്ഡേറ്റുമായി വാട്സാപ്പ്. പല സ്ഥലങ്ങളിലും നില്ക്കുമ്പോള് വോയിസ് മെസേജ് എടുത്ത് കേള്ക്കുന്നത് വളരെ ബുദ്ധിമുട്ട് പിടിച്ച പണിയാണ്. ഇത് മനസിലാക്കിയാണ് പുതിയ അപ്ഡേറ്റ് മെറ്റ അവതരിപ്പിക്കുന്നത്.
ഇതോടെ മെസേജ് കേള്ക്കാതെ തന്നെ അതില് എന്താണെന്ന് അറിയുകയും അതിന് മറുപടി നല്കുകയും ചെയ്യാം. വോയിസ് മെസേജിന് തൊട്ടുതാഴെ തന്നെയായിരിക്കും വോയിസ് മെസേജ് ട്രാൻസ്ക്രിപ്റ്റ് വായിക്കാനായി പ്രത്യക്ഷപ്പെടുക. ഈ ഫീച്ചർ തികച്ചു സുരക്ഷിതമാണെന്നും വാട്സാപ്പ് അധികൃതർ അവകാശപ്പെടുന്നു.
വോയിസ് മെസേജ് ട്രാൻസ്ക്രിപ്റ്റ് സംഭവിക്കുന്നത് ഡിവെെസിനുള്ളില് വച്ചാണെന്നും ഇതിന്റെ ഉള്ളടക്കം മറ്റാർക്കും മനസിലാക്കാൻ കഴിയില്ലെന്നും മെറ്റ വാദിക്കുന്നു. ആപ്പിലെ സെറ്റിംഗ്സില് പ്രവേശിച്ച് ആവശ്യാനുസരണം വോയിസ് മെസേജ് ട്രാൻസ്ക്രിപ്റ്റ് എനേബിള് ചെയ്യാനും ഡിസേബിള് ചെയ്യാനും സാധിക്കും. വരും ആഴ്ചകളില് എല്ലാ വാട്സാപ്പ് ഉപഭോക്താക്കള്ക്കും ഈ ഫീച്ചർ ലഭ്യമാകും.
പകുതി ടൈപ്പ് ചെയ്ത സന്ദേശങ്ങള് സംരക്ഷിക്കുന്നതിനും പിന്നീട് അവ കണ്ടെത്തുന്നതിനുമുള്ള സൗകര്യം അടുത്തിടെ വാട്സാപ്പ് ഉപഭോക്താക്കള്ക്ക് മുന്നില് അവതരിപ്പിച്ചിരുന്നു. ഒരു ചാറ്റില് ഒരിക്കല് ടൈപ്പ് ചെയ്ത് പകുതിയാക്കിയ സന്ദേശം പിന്നീട് ഒരവസരത്തില് പൂർത്തിയാക്കാൻ പുതിയ അപ്ഡേറ്റ് വഴി ഉപയോക്താവിന് സാധിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.