അമ്മ വഴക്കു പറഞ്ഞു; പതിനഞ്ചുകാരനെ കാണാതായി; സൈക്കിള്‍ റെയില്‍വേ സ്റ്റേഷനില്‍, അന്വേഷണം,

ആലപ്പുഴ: ആലപ്പുഴയില്‍ 15 കാരനെ കാണാതായതായി പരാതി. കായംകുളം പുതുപ്പള്ളി സ്വദേശി ചിന്മയാനന്തിയനെയാണ് കാണാതായത്.

സംഭവത്തില്‍ കായംകുളം പൊലീസില്‍ മാതാപിതാക്കള്‍ പരാതി നല്‍കി. വഴക്ക് പറഞ്ഞതിനെ തുടർന്ന് മകൻ വീട്ടില്‍ നിന്ന് പിണങ്ങിപ്പോയതാണെന്ന് മാതാവ് പറയുന്നു. വ്യാഴാഴ്ച വൈകുന്നേരം അഞ്ചുമണിയോടെയാണ് സംഭവം.

അമ്മ വഴക്കുപറഞ്ഞപ്പോള്‍ കുട്ടി വീട്ടില്‍ നിന്നും ഇറങ്ങിപ്പോവുകയായിരുന്നു. അതേസമയം, വീട്ടുകാർ നടത്തിയ തെരച്ചിലില്‍ കുട്ടിയുടെ സൈക്കിള്‍ കായംകുളം റെയില്‍വേ സ്റ്റേഷനില്‍ കണ്ടെത്തിയിട്ടുണ്ട്. സംഭവത്തില്‍ പൊലീസ് അന്വേഷണം തുടങ്ങി.