അനധികൃത റിക്രൂട്ട്‌മെൻ്റ് വിസ തട്ടിപ്പ്; തടയാൻ ശക്തമായ നടപടികൾ ഉറപ്പുവരുത്തി സംസ്ഥാന സർക്കാർ

തിരുവനന്തപുരം: വിദേശത്തേക്കുള്ള അനധികൃത റിക്രൂട്ട്‌മെൻ്റ് വിസ തട്ടിപ്പുകൾ തടയുന്നു ശക്തമായ നടപടിയുമായി സംസ്ഥാന സർക്കാർ.

തട്ടിപ്പുകൾ തടയുന്നതിനും ഫലപ്രദമായ നടപടികൾ ഉറപ്പുവരുത്തുന്നതിനുമായി ടാസ്‌ക് ഫോഴ്‌സ് രൂപീകരിച്ചു. നോർക്ക റൂട്ട്‌സ് ചീഫ് എക്‌സിക്യുട്ടീവ് ഓഫീസർ, തിരുവനന്തപുരം, എറണാകുളം പ്രൊട്ടക്‌ടർ ഓഫ് ഇമിഗ്രൻ്റ്‌സ് ഉദ്യോഗസ്ഥർ, എൻആർഐ സെൽ പൊലീസ് സൂപ്രണ്ട് എന്നിവരെ അംഗങ്ങളാക്കിയാണ് ടാസ്‌ക്‌ഫോഴ്‌സ് രൂപീകരിച്ചത്. ഇതുമായി ബന്ധപ്പെട്ട പ്രവാസികാര്യ വകുപ്പ് സെക്രട്ടറി ഡോ. കെ. വാസുകി ഉത്തരവിറക്കി.

റിക്രൂട്ട്‌മെൻ്റ് സംബന്ധിച്ച പരാതികളിൽ കർശനമായ നടപടികൾ സ്വീകരിക്കാൻ ലക്ഷ്യമിട്ടുള്ള നോർക്കയുടെ ഓപ്പറേഷൻ ശുഭയാത്രയുടെ ഭാഗമായാണ് ശക്തമായ ഈ നീക്കം. ഒരു തരത്തിൽ തന്നെ ഒരു തരത്തിൽ തരത്തിൽ തന്നെ. ഒരു തരത്തിൽ. ഇത്തരം പരാതികളുടെ അന്വേഷണ പുരോഗതി ടാസ്‌ക്‌ഫോഴ്‌സ് എല്ലാ മാസവും ചേർന്ന് വിലയിരുത്തും. 

കൂടാതെ എൻജിഒ ആയ പ്രവാസി ലീഗൽ സെൽ സമർപ്പിച്ച ശുപാർശകൾ പ്രകാരം റിക്രൂട്ട്മെൻ്റ് തട്ടിപ്പുകൾ തടയുന്നത് ഫലപ്രദവും കർഷകവുമായ നടപടികൾക്കായി അടിയന്തര നടപടി സ്വീകരിക്കണമെന്ന് വിദേശകാര്യ മന്ത്രാലയത്തോട് ആവശ്യപ്പെടും.എൻആർഐ സെല്ലിനെ ശക്തിപ്പെടുത്തുന്നതിനും എൻആർഐ സെല്ലിന് മാത്രമായി ഒരു സൈബർ സെൽ രൂപീകരിക്കുന്നതിനും അടിയന്തര നടപടി സ്വീകരിക്കാൻ സംസ്ഥാന പൊലീസ് മേധാവിക്കും എൻആർഐ സെല്ലിലെ പൊലീസ് സൂപ്രണ്ടിനും നിർദ്ദേശം നൽകിയിട്ടുണ്ട്. 

റിക്രൂട്ട്‌മെൻ്റ് ഫീസുമായി ബന്ധപ്പെട്ട ഇടപാടുകൾ നിരീക്ഷിക്കുന്നത് ബാങ്കുമായും ധനകാര്യ സ്ഥാപനങ്ങളുമായും സഹകരിച്ച് അസാധാരണമോ സംശയാസ്പദമായതോ ആയ ഇടപാടുകൾ ബാങ്ക് അറിയിക്കാൻ കഴിയുമോയെന്ന് പരിശോധിച്ച റിപ്പോർട്ട് പ്ലാനിംഗ് ആൻഡ് ഇക്കണോമിക് അഫയേഴ്‌സ് ഡിപ്പാർട്ട്‌മെൻ്റിന് നിർദ്ദേശം നൽകിയിട്ടുണ്ട്.