മലപ്പുറം വളയംകുളത്ത് എസ്എഫ്ഐ പ്രവർത്തകർക്കെതിരെ കൊലവിളി

മലപ്പുറം: മലപ്പുറം വളയംകുളത്ത് എസ്എഫ്ഐ പ്രവർത്തകർക്കെതിരെ കൊലവിളി.

കൊലവിളിയും പ്രസംഗവും അസഭ്യവർഷവും നടത്തി. കെഎസ്‌യു സംസ്ഥാന സെക്രട്ടറി കണ്ണൻ നമ്പ്യാർ ആണ് ഭീഷണി മുഴക്കിയത്. വളയംകുളം അസ്സബാഹ് കോളേജിനു മുന്നിലായിരുന്നു പ്രസംഗം. കാല് തല്ലിയൊടിക്കുമെന്നാണ് ഭീഷണി. 'വെല്ലുവിളിയല്ല, താക്കീതാണ്. പഠിക്കാൻ വന്നാൽ പഠിച്ച് പോണം. അല്ലെങ്കിൽ ..... കാല് ഞാൻ തല്ലിയോടിക്കും’ എന്ന് കണ്ണൻ നമ്പ്യാർ ഭീഷണിപ്പെടുത്തി.

അസഭ്യ വാക്കുകളും ഇയാൾ പ്രയോഗിക്കുന്നുണ്ട്. 'എന്നൊക്കൊണ്ട് വേറെ പണി ചെയ്യിക്കരുത്' എന്നും കണ്ണൻ നമ്പ്യാർ ഭീഷണി മുഴക്കുന്നുണ്ട്. പ്രസംഗത്തിൽ ഉടനീളം ഇത്തരം വാക്കുകളാണ് ഉപയോഗിക്കുന്നത്.