വിദ്യാര്‍ത്ഥികളെ കേന്ദ്രീകരിച്ച് കച്ചവടം: പാക്കറ്റ് കണക്കിന് 'ഹാൻസും കൂളു'മായി അച്ഛനും മകനും അറസ്റ്റില്‍;

കല്‍പറ്റ: വിദ്യാർത്ഥികളെ കേന്ദ്രീകരിച്ച്‌ പുകയില ഉല്‍പ്പന്നങ്ങളുടെ വില്പന നടത്തിയതിന് വയനാട് പിതാവും മകനും അറസ്റ്റില്‍.

കമ്പളക്കാട് തൂമ്പറ്റ വീട്ടില്‍ ടി. അസീസ്, മകൻ സല്‍മാൻ ഫാരിസ് എന്നിവരെയാണ് പോലീസ് അറസ്റ്റ് ചെയ്തത്. വില്‍പ്പനക്കായി കൈവശം വച്ച 5 പാക്കറ്റ് ഹാൻസും 7 പാക്കറ്റ് കൂള്‍ ലിപും അസീസില്‍ നിന്ന് പോലീസ് പിടിച്ചെടുത്തു.

തുടർന്ന് നടത്തിയ പരിശോധനയില്‍ 120 പാക്കറ്റ് ഹാൻസുമായി മകൻ സല്‍മാൻ ഫാരിസ് പിടിയിലാവുകയായിരുന്നു.

വിദ്യാർത്ഥികളെ കേന്ദ്രീകരിച്ച്‌ ഇത്തരത്തിലുള്ള പുകയില ഉല്‍പ്പന്നങ്ങള്‍ വ്യാപകമായി ഇവർ വില്‍പ്പന നടത്തി വരികയായിരുന്നുവെന്ന് കല്‍പ്പറ്റ പോലീസ് അറിയിച്ചു.