തിരുവനന്തപുരം നഗരത്തില്‍ ഇന്ന് രാത്രി മുതൽ വീണ്ടും ജലവിതരണം തടസപ്പെടും, അറിയിപ്പുമായി വാട്ടര്‍ അതോറിറ്റി

തിരുവനന്തപുരം നഗരത്തില്‍ ഇന്ന് രാത്രി ജലവിതരണം തടസപ്പെടും. രാത്രി എട്ട് മണിമുതല്‍ നാളെ പുലർച്ചെ 4 വരെയാണ് അറ്റകുറ്റപ്പണിക്കായി വിതരണം നിർത്തിവെയ്ക്കുന്നത്.

അരുവിക്കരയില്‍ നിന്നും തിരുവനന്തപുരം നഗരത്തിലേക്ക് ശുദ്ധജലം കൊണ്ടുവരുന്ന വാട്ടർ അതോറിറ്റിയുടെ പ്രധാന പൈപ്പ് ലൈനില്‍ വാല്‍വ് തകരാർ പരിഹരിക്കാനുള്ള ജോലിയാണ് നടക്കുന്നത്. 

പേരൂർക്കട, ഹാർവിപുരം, എൻസിസി റോഡ് മുതല്‍ വെള്ളയമ്പലം, കവടിയാർ, നന്ദൻകോട് അടക്കം മേഖലയില്‍ ജലവിതരണം തടസ്സപ്പെടും. ഉപഭോക്താക്കള്‍ വേണ്ട മുൻകരുതലുകള്‍ സ്വീകരിക്കണമെന്ന് വാട്ടർ അതോറിറ്റി അറിയിച്ചു