വീണ്ടും അധ്യാപികയുടെ ക്രൂര പീഢനം:വിദ്യാര്‍ഥിനിയെ സാങ്കല്‍പ്പിക കസേരയിലിരുത്തി, കുഴഞ്ഞുവീണു: അന്വേഷണം പ്രഖ്യാപിച്ച്‌ മന്ത്രി,

തിരുവനന്തപുരം: ഒന്നര മണിക്കൂറോളം സാങ്കല്‍പ്പിക കസേരയിലിരുത്തി വിദ്യാർഥിനിയെ അധ്യാപിക പീഡിപ്പിച്ചതായി പരാതി.

തുടർന്ന് വിദ്യാർഥിനി കുഴഞ്ഞു വീണു. വെള്ളായണി എസ്.സി/എസ്.ടി സ്പോർട്സ് സ്കൂളിലെ വിദ്യാർഥിനിയാണ് അധ്യാപികക്കെതിരെ തിരുവല്ലം പൊലീസ് സ്റ്റേഷനില്‍ പരാതി നല്‍കിയത്. 

സംഭവത്തില്‍ വകുപ്പുതല അന്വേഷണം ആവശ്യപ്പെട്ട് കെ.എസ്.യു തിരുവനന്തപുരം ജില്ല കമ്മിറ്റി പട്ടികജാതി-വർഗ മന്ത്രിക്കും പൊതുവിദ്യാഭ്യാസ മന്ത്രിക്കും പരാതി നല്‍കി.

പരാതി അന്വേഷിച്ച്‌ അടിയന്തര റിപ്പോർട്ട് നല്‍കാൻ മന്ത്രി വി. ശിവൻകുട്ടി നിർദേശം നല്‍കി. തിരുവനന്തപുരം വിദ്യാഭ്യാസ ഉപഡയറക്ടർ സംഭവം അന്വേഷിക്കും.