തൃശൂര്: തൃശൂരില് അഞ്ച് വയസുകാരനെ ക്രൂരമായി മര്ദിച്ച സംഭവത്തില് അധ്യാപികയെ പൊലീസ് അറസ്റ്റ് ചെയ്തു. തൃശൂര് കുര്യച്ചിറ സെന്റ് ജോസഫ് യുപി സ്കൂളിലെ വിദ്യാര്ഥിയെ ക്രൂരമായി മര്ദ്ദിച്ച സംഭവത്തില് ആണ് അധ്യാപികയെ അറസ്റ്റ് ചെയ്തത്.
.jpeg)
ഇരു കാല്മുട്ടിനും താഴെയായി അതി ക്രൂരമായിട്ടാണ് കുട്ടിയെ ഇവര് തല്ലിയത്. ഡയറി എഴുതിയില്ലെന്ന് ആരോപിച്ച് ക്ലാസ് ടീച്ചര് തല്ലി എന്നാണ് കുട്ടി മാതാപിതാക്കളോട് പറഞ്ഞത്. ഇത് പ്രകാരം ആണ് രക്ഷിതാക്കള് പൊലീസില് പരാതി നല്കിയത്.
സംഭവത്തില് തിങ്കളാഴ്ച നെടുപുഴ പൊലീസ് കേസെടുത്തിരുന്നു. സംഭവം നടന്ന് ഒരാഴ്ചയായിട്ടും അധ്യാപികയെ പൊലീസ് അറസ്റ്റ് ചെയ്തിട്ടില്ലെന്ന ആക്ഷേപവും ഉയര്ന്നിരുന്നു. ഇതിനു പിന്നാലെയാണ് അറസ്റ്റ്.
നെടുപുഴ പൊലീസ് ഇന്നലെ രാത്രിയോടെയാണ് അധ്യാപികയെ അറസ്റ്റ് ചെയ്തത്. അധ്യാപിക സ്വമേധയാ സ്റ്റേഷനില് ഹാജരാകുകയായിരുന്നു.
തുടര്ന്ന് ഇന്നലെ രാത്രി തന്നെ മജിസ്ട്രേറ്റിന് മുമ്പാകെ ഹാജരാക്കി. തുടര്ന്ന് ഇന്ന് രാവിലെ 11 മണിവരെ കോടതി അധ്യാപികയ്ക്ക് ജാമ്യം അനുവദിക്കുകയായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.