ആറ് മാസം പ്രായമായ കുഞ്ഞിന്റെ ജീവനെടുത്ത് റംബുട്ടാൻ

കല്ലമ്പലം :റംബുട്ടാന്റെ കുരു തൊണ്ടയിൽ കുടുങ്ങി ചികിത്സയിലായിരുന്ന 6 മാസം പ്രായമായ കുഞ്ഞ് മരിച്ചു. കരവാരം തോട്ടയ്ക്കാട് മംഗ്ലാവിൽ വീട്ടിൽ അനേഷ്–വൃന്ദ ദമ്പതികളുടെ മകൻ ആദവ് ആണ് മരിച്ചത്.

വ്യാഴാഴ്ച വൈകിട്ട് ആറോടെയാണ് കുട്ടി റംബുട്ടാന്റെ കുരു വിഴുങ്ങിയത്.വീട്ടിലുണ്ടായ റംബുട്ടാൻ പഴം ബന്ധുക്കളായ കുട്ടികൾ അടുത്തിരുന്നു കഴിക്കുമ്പോഴായിരുന്നു സംഭവം. കുരു വിഴുങ്ങാൻ ശ്രമിച്ചപ്പോൾ തൊണ്ടയിൽ കുടുങ്ങി.

ശ്വാസം മുട്ടിയ കുഞ്ഞിനെ ഉടനെ സ്വകാര്യ ആശുപത്രിയിലെത്തിച്ച്  കുരു പുറത്തെടുത്തെങ്കിലും  തൊണ്ട മുറിയുകയും ശ്വാസതടസ്സമുണ്ടാവുകയും ചെയ്തു.തുടർന്ന് തിരുവനന്തപുരം എസ്എടി ആശുപത്രിയിൽ തീവ്ര പരിചരണ വിഭാഗത്തിൽ പ്രവേശിപ്പിച്ചുവെങ്കിലും ഇന്നലെ പുലർച്ചെ മരിച്ചു. സഹോദരൻ:ആരിഷ്.