പാലക്കാട് ഇടത് സ്വതന്ത്രനായി ഡോ.പി.സരിനും ചേലക്കരയില്‍ യു.ആര്‍ പ്രദീപും മത്സരിക്കും..

പാലക്കാട് : നിയമസഭാ ഉപതിരഞ്ഞെടുപ്പിൽ സ്ഥാനാർഥികളെ പ്രഖ്യാപിച്ച് സി.പി.എം. പാലക്കാട് ഇടത് സ്വതന്ത്രനായി ഡോ.പി.സരിനും ചേലക്കരയില്‍ സിപിഎം സ്ഥാനാര്‍ഥിയായി യു.ആര്‍ പ്രദീപും മത്സരിക്കും.

സിപിഎം സംസ്ഥാന സെക്രട്ടറി എം.വി ഗോവിന്ദന്‍ നടത്തിയ വാര്‍ത്താ സമ്മേളനത്തിലാണ് സ്ഥാനാര്‍ഥികളെ പ്രഖ്യാപിച്ചത്..ലോകസഭ തിരഞ്ഞെടുപ്പ് കഴിഞ്ഞുള്ള നിയമ സഭ ഉപാതിരഞ്ഞെടുപ്പ് സംസ്ഥാനത്തെ പാർട്ടികളെ സംബന്ധിച്ച് ഏറെ നിർണായകമാണ്.

സംസ്ഥാനത്തെ ഭരണ വിരുദ്ധ വികാരം ആരോപിക്കുന്ന കോൺഗ്രസിനും വരുന്ന നിയമ സഭാ തിരഞ്ഞെടുപ്പിൽ മൂന്നാമതും അധികാരത്തിൽ വരുമെന്ന് കണക്കു കൂട്ടുന്ന സിപിഎമ്മിനും ലോക് സഭയിൽ അക്കൌണ്ട് തുറന്ന ബിജെപിക്കും നിർണ്ണായകമായ തിരഞ്ഞെടുപ്പാണ് ഇപ്പോൾ നടക്കാൻ പോകുന്നത്.