കോട്ടയം /ഭരണങ്ങാനം: വി. അൽഫോൻസാ തീർത്ഥാടനകേന്ദ്രത്തോടു ചേർന്നു പ്രവർത്തിക്കുന്ന സെൻറ് അൽഫോന്സാ സ്പിരിച്വാലിറ്റി സെൻറെറിൽ വിശുദ്ധയുടെ നാമകരണത്തിന്റെ 16-ാം വാർഷികത്തോടനുബന്ധിച്ച് ഒക്ടോബർ 12 ശനിയാഴ്ച പ്രേമോത്സർഗ് എന്ന പേരിൽ ദേശീയ സെമിനാർ സംഘടിപ്പിക്കുന്നു.
തീർത്ഥാടനകേന്ദ്രം റെക്ടർ വെരി റവ. ഫാ. അഗസ്റ്റിൻ പാലയ്ക്കാപ്പറന്പിൽ ഉദ്ഘാടനസമ്മേളനത്തിന് അദ്ധ്യക്ഷത വഹിക്കും. എഫ്.സി.സി. ഭരണങ്ങാനം പ്രൊവിൻഷ്യാൽ റവ. സി. ജെസ്സി മരിയ, എം.എസ്.റ്റി. വൈസ് ഡയറക്ടർ ജനറൽ റവ. ഡോ. ജോസഫ് തെക്കേക്കരോട്ട് എന്നിവർ ആശംസകളർപ്പിച്ച് സംസാരിക്കും.
പ്രൊഫ. ഡോ. പി.ജെ. ഹെർമൻ വിശുദ്ധ അൽഫോൻസാമ്മയുടെ ജീവിതവും മിഷനും സംബന്ധിച്ച് സംസാരിക്കും. റവ. ഡോ. ജോർജ് കാരാംവേലി വി. അൽഫോൻസാമ്മയുടെ ആത്മീയദർശനത്തെക്കുറിച്ചും ഡോ. സി. കൊച്ചുറാണി ജോസഫ് എസ്.എ.ബി.എസ് അൽഫോൻസിയൻ ഭക്തിയുടെ പ്രാധാന്യത്തെക്കുറിച്ചും പ്രബന്ധം അവതരിപ്പിക്കും.
റവ. ഫാ. ബിജു താന്നിനില്ക്കുംതടത്തിൽ വി. അൽഫോൻസാമ്മയും വിശുദ്ധ കുർബാനയും, ഡോ. ജെസ്റ്റി ഇമ്മാനുവൽ കുടുംബജീവിതത്തെക്കുറിച്ചുള്ള അൽഫോൻസിയൻ ദർശനം, ഡോ. ശോഭിത സെബാസ്റ്റ്യൻ വി. അൽഫോൻസാ കുട്ടികളുടെ ആത്മീയ സുഹൃത്ത്, എന്നീ വിഷയങ്ങളെക്കുറിച്ച് സംസാരിക്കും.
പങ്കെടുക്കാൻ താൽപര്യമുള്ളവർ 8301065244 എന്ന നന്പറിൽ വിളിച്ച് ബുക്ക് ചെയ്യുക. സെമിനാറിന്റെ തത്സമയ സംപ്രേഷണം സെന്റ് അൽഫോൻസാ ഷറൈൻ യൂട്യൂബ് ചാനലിൽ ഉണ്ടായിരിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.