പൊളിക്കണമെന്ന് ആവശ്യപ്പെട്ട് കൻ്റോൺമെൻ്റ് ബോർഡ് പലവട്ടം നോട്ടീസ് നൽകിയ കെട്ടിടം തകർന്നുവീണു;രണ്ട് കുട്ടികൾ രക്ഷപ്പെട്ടത് തലനാഴിരയ്ക്ക്

മീററ്റ്: ഉത്തർപ്രദേശിൽ കെട്ടിടം തകർന്നുവീണ സംഭവത്തിൽ നിന്ന് രണ്ട് കുട്ടികൾ രക്ഷപ്പെട്ടത് തലനാഴിരയ്ക്ക്.

നടന്നുപോകുന്നതിനിടെ അപകടം മനസിലാക്കി കുട്ടികൾ ഓടുന്നതും പിന്നാലെ കെട്ടിടം നിലംപൊത്തുന്നതിന്റെയും ദൃശ്യങ്ങൾ സാമൂഹ്യ മാധ്യമങ്ങളിൽ വൈറലാണ്. മീററ്റിലെ സദർ ബസാർ മേഖലയിൽ വെള്ളിയാഴ്ചയായിരുന്നു സംഭവം. ആർക്കും പരിക്കേറ്റിട്ടില്ലെന്നാണ് റിപ്പോർട്ട്.

നൂറ് വർഷത്തിലധികം പഴക്കമുള്ള കെട്ടിടമാണ് തകർന്നതെന്നാണ് വിവരം. അപകടാവസ്ഥയിലുള്ള ഈ കെട്ടിടം പൊളിക്കണമെന്ന് ആവശ്യപ്പെട്ട് കൻ്റോൺമെൻ്റ് ബോർഡ് പലവട്ടം നോട്ടീസ് നൽകിയിരുന്നു. ഇതിനിടെയാണ് കെട്ടിടം നിലംപൊത്തിയത്.