സുല്ത്താന്ബത്തേരി: കഴിഞ്ഞ 12 വര്ഷമായി മഹാദേവിയുടെ ഏറ്റവും വലിയ ആഗ്രഹമായിരുന്നു സ്വന്തമായി റേഷന് കാര്ഡ് വേണമെന്നത്.അതിനായി കയറിയിറങ്ങാത്ത ഓഫീസുകളില്ല മുട്ടാത്ത വാതിലുകൾ ഇല്ല. ഒടുവിൽ മന്ത്രി എം ബി രാജേഷ് ഇടപെട്ട് മഹാദേവിക്ക് റേഷൻ കാർഡ് ലഭ്യമാക്കിയിരിക്കുകയാണ്.
മൂപ്പൈനാട് പഞ്ചായത്തിലെ പ്ലാന്റേഷൻ ജോലിക്കാരിയായിരുന്നു മഹാദേവി. റേഷന് കാര്ഡിനായി അപേക്ഷിച്ച് കാത്തിരുന്നെങ്കിലും സ്ഥിരതാമസക്കാരിയാണെന്ന് കാണിക്കുന്ന സര്ട്ടിഫിക്കറ്റ് ഹാജരാക്കണമെന്നായിരുന്നു ഉദ്യോഗസ്ഥർ ആവശ്യപ്പെട്ടത്.
പക്ഷേ സ്ഥിരതാമസ സര്ട്ടിഫിക്കറ്റ് ലഭിക്കണമെങ്കില് കെട്ടിട ഉടമ എന്ഒസി നല്കേണ്ടതുണ്ടായിരുന്നു. എസ്റ്റേറ്റ് പാടിയിലാണ് ഇവര് വാടകക്ക് താമസിക്കുന്നത്. ഇതാണ് റേഷന് കാര്ഡ് നല്കാതിരിക്കാന് ഉദ്യോഗസ്ഥര് കാരണമായി പറഞ്ഞിരുന്നത്.
എന്ഒസി ലഭിക്കാതെ വന്നതോടെ പഞ്ചായത്തിന് സ്ഥിരതാമസക്കാരിയാണെന്ന സര്ട്ടിഫിക്കറ്റും നല്കാന് കഴിഞ്ഞില്ല. ഈ ഊരാകുടുക്ക് ആണ് മന്ത്രി അഴിച്ചത്. മഹാദേവി പഞ്ചായത്തില് സ്ഥിരതാമസക്കാരിയാണ് എന്ന് ഉറപ്പ് വരുത്തി എന്ഒസിയില്ലാതെ തന്നെ സര്ട്ടിഫിക്കറ്റ് നല്കാനാണ് അദാലത്തില് മന്ത്രി എം ബി രാജേഷ് നിര്ദ്ദേശം നല്കിയത്. അദാലത്തിൽ വെച്ച് മഹാദേവിക്ക് സര്ട്ടിഫിക്കറ്റ് മന്ത്രി തന്നെ വിതരണം ചെയ്തു. ഇതോടെ തന്റെ ആഗ്രഹം സഫലമായ സന്തോഷത്തിലാണ് മഹാദേവി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.