അമൃത്‌സറിലെ വെയർഹൗസിൽ നിന്ന് 150 കിലോയോളം ലഹരി വസ്തുക്കളും ആറു തോക്കുകളും പിടിച്ചെടുത്തു; രണ്ടുപേർ അറസ്റ്റിൽ

അമൃത്‌സർ: പഞ്ചാബിൽ വൻ ലഹരിവേട്ട. അമൃത്‌സറിലെ വെയർഹൗസിൽ നിന്ന് 105 കിലോഗ്രാം ഹെറോയിനടക്കം 150 കിലോയോളം ലഹരി വസ്തുക്കൾ പിടികൂടി. ആറു തോക്കുകളും പിടിച്ചെടുത്തു. രണ്ടുപേരെ അറസ്റ്റ് ചെയ്തു.

ഇന്റലിജൻസ് വിവരങ്ങളുടെ അടിസ്ഥാനത്തിൽ നടത്തിയ റെയ്ഡിലാണ് ലഹരിവസ്തുക്കൾ പിടികൂടിയത്. പാക്കിസ്ഥാനിൽ നിന്നും ജലമാർഗമാണ് ലഹരിവസ്തുക്കൾ എത്തിച്ചിരുന്നത്.

ടയറുകളുടെ വലിയ ട്യൂബുകളിലാണ് ലഹരി കടത്തിയിരുന്നത്. അറസ്റ്റിലായ നവ്ജോത് സിങ്, ലവ്പ്രീത് കുമാർ എന്നിവർ രാജ്യാന്തര ലഹരികടത്തു സംഘത്തിലെ അംഗങ്ങളാണെന്ന് കരുതുന്നു.