കൊച്ചി: കൊച്ചി ലഹരിക്കേസില് ഓം പ്രകാശ് താമസിച്ചിരുന്ന ഹോട്ടലില് പ്രയാഗ മാര്ട്ടിന് പുറമെ മറ്റൊരു നടിയും എത്തിയതായി വിവരം. ഓം പ്രകാശ് താമസിച്ചിരുന്ന ആഡംബര ഹോട്ടലിലെ സിസിടിവി ദൃശ്യങ്ങളില് നിന്നാണ് ഇക്കാര്യം വ്യക്തമായത്.
നടി എത്തിയത് ഓം പ്രകാശും സുഹൃത്തുക്കളും തങ്ങിയ മുറിയിലാണോ എന്നതില് അന്വേഷണം നടക്കുകയാണ്. ഈ മുറിയിലേക്കാണ് എത്തിയതെന്ന് വ്യക്തമായാല് നടിയെ ചോദ്യം ചെയ്യും.
നടി അവിടെ എത്തിയതിന്റെ കാരണം അന്വേഷണ സംഘം പരിശോധിച്ച് വരികയാണ്. ഹോട്ടലിലെ മൂന്ന് മുറികളാണ് ഓം പ്രകാശും സുഹൃത്തുക്കളും എടുത്തത്.
അതേസമയം ഓംപ്രകാശ് പ്രതിയായ ലഹരിക്കേസില് നടന് ശ്രീനാഥ് ഭാസിയേയും നടി പ്രയാഗ മാര്ട്ടിനേയും പൊലീസ് ഇന്നലെ ചോദ്യം ചെയ്തിരുന്നു. ശ്രീനാഥ് ഭാസിയെ നാലര മണിക്കൂറാണ് പൊലീസ് ചോദ്യം ചെയ്തത്. ശ്രീനാഥ് ഭാസിയുടെ മൊഴിയില് ചില പൊരുത്തക്കേടുകള് ഉള്ളതായാണ് സൂചന. ഓംപ്രകാശിനെ മുന്പരിചയമില്ലെന്നാണ് ശ്രീനാഥ് ഭാസിയും പ്രയാഗയും പൊലീസിനോട് പറഞ്ഞത്. എന്നാല് പ്രയാഗയുടെ മൊഴിയില് പൊരുത്തക്കേടുകള് ഇല്ലെന്നാണ് പൊലീസ് പറഞ്ഞത്. താരങ്ങളുടെ ലഹരിപരിശോധന ഉടന് നടത്തേണ്ടതില്ലെന്ന നിലപാടിലാണ് പൊലീസ്.
.jpg)
ശ്രീനാഥ് ഭാസിയും ബിനു ജോസഫും തമ്മിലുള്ള സാമ്പത്തിക ഇടപാടുകള് അന്വേഷിക്കും. ഇരുവരും തമ്മില് ലഹരി ഇടപാട് നടന്നിട്ടുണ്ടോ എന്നാണ് അന്വേഷിക്കുക. ബിനു ജോസഫുമായി സാമ്പത്തിക ഇടപാട് നടന്നിട്ടുണ്ട് എന്ന് ശ്രീനാഥ് ഭാസി ചോദ്യം ചെയ്യലില് സമ്മതിച്ചിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.