സന്തോഷ വാര്‍ത്ത: 78 ദിവസത്തെ ശമ്പളം ബോണസായി നല്‍കാൻ തീരുമാനം; കിട്ടുക 11.72 ലക്ഷം വരുന്ന റെയില്‍വെ ജീവനക്കാര്‍ക്ക്, വമ്പൻ പ്രഖ്യാപനം

ദില്ലി: സുപ്രധാന തീരുമാനവുമായി കേന്ദ്ര സർക്കാർ. 78 ദിവസത്തെ വേതനം രാജ്യത്തെ റെയില്‍വെ ജീവനക്കാ‍ർക്ക് ബോണസായി നല്‍കാനാണ് തീരുമാനിച്ചത്.

ഉല്‍പ്പാദനക്ഷമതയുമായി ബന്ധപ്പെട്ട ബോണസായാണ് ഇത്രയും തുക ലഭിക്കുക. രണ്ടര മാസത്തിലേറെ വരുന്ന ശമ്ബളമാണ് ഇതിലൂടെ ജീവനക്കാർക്ക് ലഭിക്കു. രാജ്യത്ത് 11.72 ലക്ഷത്തോളം പേർ റെയില്‍വെയില്‍ ജീവനക്കാരാണെന്നാണ് വിലയിരുത്തല്‍.  

ഇവർക്ക് ബോണസ് നല്‍കാനായി മാത്രം 2,028.57 കോടി രൂപ കേന്ദ്ര സർക്കാർ അനുവദിച്ചു. ട്രാക്ക് മെയിൻ്റനൻസ് വിഭാഗം, ഗ്രൂപ്പ് എക്സ്‌സി ജീവനക്കാർ, ലോക്കോ പൈലറ്റ് തുടങ്ങി എല്ലാ വിഭാഗം ജീവനക്കാർക്കും ഈ ബോണസ് ലഭിക്കും.