തിരുവനന്തപുരം;പ്രോട്ടോക്കോൾ ലംഘനം ചൂണ്ടിക്കാട്ടി ഗവർണർ ആരിഫ് മുഹമ്മദ് ഖാൻ പോലീസിന്റെ ഗാർഡ് ഓഫ് ഓണർ ഒഴിവാക്കി. ബ്യുഗിൽ ഇല്ലാതെ ഗാർഡ് ഓഫ് ഓണർ നൽകാൻ എത്തിയതാണ് പൊലീസിന് വിനയായത്. പത്തനംതിട്ട പൊതുമരാമത്ത് ഗസ്റ്റ് ഹൗസിൽ പൊലീസ് നൽകിയ ഗാർഡ് ഓഫ് ഓണർ ആണ് പ്രോട്ടോകോൾ ലംഘനം എന്ന് കണ്ടെത്തിയതോടെ ഗവർണർ ഒഴിവാക്കിയത്.
.jfif)
സെഡ് പ്ലസ് സുരക്ഷാ കാറ്റഗറിയിൽപ്പെടുന്ന ഗവർണർക്ക് ഗാർഡ് ഓഫ് ഓണർ നൽകുമ്പോൾ പ്രോട്ടോക്കോൾ പ്രകാരം ബ്യൂഗിൾ ആവശ്യമാണ്. ബ്യൂഗിൾ വായിക്കാതെ സല്യൂട്ട് പൂർണ്ണമാവില്ല.ബ്യൂഗിൾ വായിക്കാൻ ആളില്ലെന്ന കാര്യം രാജ്ഭവൻ ഉദ്യോഗസ്ഥരുടെ ശ്രദ്ധയിൽപ്പെട്ടതോടെ പോലീസിനോട് കാര്യം അന്വേഷിച്ചു.
ബ്യൂഗിൾ വായിക്കേണ്ട പോലീസ് ഉദ്യോഗസ്ഥൻ ചികിത്സ അവധിയിലാണെന്നാണ് പോലീസ് ഇതിന് നൽകിയ വിശദീകരണം. പത്തനംതിട്ടയിൽ ബ്യൂഗിൾ വായിച്ചിരുന്ന പോലീസ് ഉദ്യോഗസ്ഥൻ വിരമിച്ചിട്ട് മൂന്ന് വർഷത്തിലേറെയായിട്ടും പകരം ആളെ നിയമിച്ചിട്ടില്ല.
അതിനു പകരമായി അടൂർ പോലീസ് ക്യാമ്പിലെ ഉദ്യോഗസ്ഥനെയാണ് ചുമതലപ്പെടുത്തിയിരുന്നത്. അദ്ദേഹം പനി മൂലം അവധിയെടുത്തതോടെ പകരം ആളില്ലാതെ വന്നു. കണ്ണൂരിൽ മരിച്ച എഡിഎം നവീൻ ബാബുവിന്റെ കുടുംബാംഗങ്ങളെ സന്ദർശിക്കുവാനാണ് കഴിഞ്ഞ ദിവസം ഗവർണർ പത്തനംതിട്ടയിലെത്തിയത് സംഭവത്തിൽ രാജ്ഭവൻ ഔദ്യോഗികമായി പരാതി നൽകിയിട്ടില്ല.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.