ദാരുണം: ബസില്‍ ഇടിച്ച ബൈക്ക് ബസിനടിയില്‍ വീണു തീപിടിച്ചു; ഒരാള്‍ വെന്ത് മരിച്ചു, ,,

ചെന്നൈ: തമിഴ് നാട്ടിലെ തേനിക്കു സമീപം സ്വകാര്യ ബസില്‍ ഇരുചക്ര വാഹനം ഇടിച്ചുണ്ടായ അപകടത്തില്‍ തീപിടിച്ച്‌ ഒരാള്‍ക്ക് ദാരുണാന്ത്യം.

സൂഴയനൂർ സ്വദേശി അരശാങ്കം (57) ആണ് മരിച്ചത്. തേനി വീരപാണ്ഡിക്ക് സമീപമാണ് അപകടം നടന്നത്. സ്വകാര്യ ബസില്‍ ഇടിച്ച ബൈക്ക് ബസിനടിയില്‍ അകപ്പെട്ടാണ് തീപിടിച്ചത്.

ബസിനും തീപിടിച്ചെങ്കിലും ആർക്കും പരിക്കില്ല. സംഭവ സ്ഥലത്ത് പൊലീസെത്തി രക്ഷാ പ്രവർത്തനം നടത്തി. മൃതദേഹം ആശുപത്രിയിലേക്ക് മാറ്റിയിട്ടുണ്ട്. പോസ്റ്റുമോ‍ർട്ടത്തിന് ശേഷം കുടുംബത്തിന് വിട്ടുനല്‍കും.