സ്വത്തുക്കള്‍ അപഹരിക്കപ്പെട്ട സംഭവത്തില്‍ സഹായിച്ചില്ല: ബിജെപി വിട്ട നടി ഗൗതമിയെ അണ്ണാ ഡിഎംകെയുടെ ഡപ്യൂട്ടി സെക്രട്ടറിയായി നിയമിച്ചു

ചെന്നൈ: നടി ഗൗതമിയെ അണ്ണാ ഡിഎംകെയുടെ നയരൂപീകരണ വിഭാഗം ഡപ്യൂട്ടി സെക്രട്ടറിയായി നിയമിച്ചു. അടുത്തിടെയാണ് ഗൗതമി ബിജെപി വിട്ട് അണ്ണാ ഡിഎംകെയില്‍ ചേർന്നത്.

25 കോടിയോളം രൂപ മൂല്യമുള്ള തന്റെ സ്വത്തുക്കള്‍ അപഹരിക്കപ്പെട്ട സംഭവത്തില്‍ ബിജെപി സഹായിക്കാതിരുന്നതിനെ തുടർന്നാണു ഗൗതമി പാർട്ടി വിട്ടത്.

19 വർഷംമുൻപ് അർബുദം ബാധിച്ചതിനെത്തുടർന്ന് ചികിത്സയിലിരിക്കുമ്ബോഴാണ് ഗൗതമി സ്വത്തുക്കള്‍ കൈകാര്യം ചെയ്യുന്നതിനായി മാനേജർ അഴകപ്പന്റെ പേരില്‍ പവർ ഓഫ് അറ്റോർണി നല്‍കിയത്. 

ഗൗതമിയുടെയും സഹോദരന്റെയും പേരിലുള്ള സ്ഥലങ്ങള്‍ വില്‍ക്കുകയും ഇതില്‍നിന്ന് ലഭിച്ച പണമുപയോഗിച്ച്‌ അഴകപ്പൻ തന്റെ കുടുംബാംഗങ്ങളുടെ പേരില്‍ സ്ഥലം വാങ്ങിയെന്നുമാണ് പരാതി. അഴകപ്പനെ പൊലീസ് അറസ്റ്റു ചെയ്തിരുന്നു.