പെട്രോൾ ഒഴിച്ച് തീകൊളുത്തി ഓട്ടോറിക്ഷ ഡ്രൈവർ ആത്മഹത്യയ്ക്ക് ശ്രമിച്ചു

അഞ്ചൽ: പെട്രോൾ ഒഴിച്ച് തീകൊളുത്തി ആത്മഹത്യയ്ക്ക് ശ്രമിച്ച് ഓട്ടോ ഡ്രൈവർ.

ഉച്ചക്ക് പന്ത്രണ്ടരയോടെ അഞ്ചൽ ചന്തമുക്കിൽ സൂര്യ ആശുപത്രിക്ക് സമീപമാണ് സംഭവം. ഗുരുതര പൊള്ളലേറ്റ ഓട്ടോറിക്ഷ ഡ്രൈവറായ പുനലൂർ കലുങ്ങുംമകൾ സ്വദേശി സന്തോഷി(37)നെ അഞ്ചൽ പൊലീസും നാട്ടുകാരും ചേർന്ന് ആദ്യം അഞ്ചലിലെ സ്വകാര്യ ആശുപത്രിയിലും തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിലും പ്രവേശിപ്പിച്ചു. 

ചന്തയുടെ ഭാഗത്തുനിന്നും യാത്രക്കാരിയെത്തിയ ഓട്ടോറിക്ഷ സംഭവസ്ഥലത്തെത്തിയപ്പോൾ നിർത്തി പുറത്തേക്കിറങ്ങിയ സന്തോഷ് യാത്രക്കാരി വഴക്കിടുകയും തെറി വിളിക്കുകയും ചെയ്തു. തുടർന്ന് യാത്രക്കാരി ഓട്ടോയിൽ നിന്നും ഇറങ്ങിപ്പോയതായും ദൃക്സാക്ഷികൾ പറഞ്ഞു. 

ഈ സമയം സന്തോഷ് ഓട്ടോറിക്ഷയിൽ സൂക്ഷിച്ചിരുന്ന പെട്രോൾ ദേഹത്തൊഴിച്ച് തീ കത്തിച്ചു ഓട്ടോറിക്ഷയിൽ കയറുകയും തീ ആളിപ്പടർന്നതോടെ പുറത്തേക്ക് വീഴുകയും ചെയ്യും. സമീപത്തെ സി.സി.ടി.വി ദൃശ്യങ്ങളും ഇതിനെ സാധൂകരിക്കുന്നവയാണ്. അഞ്ചൽ എസ്.ഐ പ്രജീഷ് കുമാറിൻ്റെ നേതൃത്വത്തിൽ പൊലീസ് സംഘം എത്തി തുടർനടപടികൾ സ്വീകരിച്ചു.