തൃശ്ശൂരില്‍ വൻ തീപിടിത്തം: ഫയര്‍ ഫോഴ്‌സിൻ്റെ അഞ്ച് യൂണിറ്റ് സ്ഥലത്തെത്തി തീയണച്ചു, ലക്ഷങ്ങളുടെ നാശനഷ്ടം, '

തൃശൂർ: മരത്താക്കരയില്‍ ഫർണീച്ചർ കടയില്‍ തീപിടുത്തം. പുലർച്ചെ നാലു മണിയോടെയാണ് തീ പടർന്നത്. തൃശ്ശൂരില്‍ നിന്നും പുതുക്കാട് നിന്നും ഫയർ ഫോഴ്സിൻ്റെ അഞ്ച് യൂണിറ്റുകള്‍ വിവരമറിഞ്ഞ് സ്ഥലത്തെത്തി.

ഏറെ നേരത്തെ ശ്രമത്തിനൊടുവില്‍ തീയണച്ചു. ഫർണീച്ചർ കട പൂ‍‍ർണമായി കത്തിനശിച്ചിട്ടുണ്ട്. ലക്ഷങ്ങളുടെ നാശനഷ്ടം ഉണ്ടായെന്നാണ് സംശയിക്കുന്നത്. 

അപകട സമയത്ത് ശക്തമായ മഴ പെയ്തതിനാല്‍ തീ കൂടുതല്‍ പ്രദേശങ്ങളിലേക്ക് വ്യാപിച്ചില്ല. അപകടത്തിൻ്റെ കാരണം സംബന്ധിച്ച്‌ വിശദമായ പരിശോധന നടത്തും.