ചീഫ് വിപ്പ് എൻ. ജയരാജ് സഞ്ചരിച്ച വാഹനം മറ്റൊരു കാറില്‍ തട്ടി അപകടം: കേസെടുത്ത് പോലീസ്

മല്ലപ്പള്ളി (പത്തനംതിട്ട): ചീഫ് വിപ്പ് ഡോ.എൻ. ജയരാജ് യാത്രചെയ്തിരുന്ന ഔദ്യോഗിക വാഹനം മറ്റൊരു കാറുമായി തട്ടി.

കോട്ടയം- കോഴഞ്ചേരി സംസ്ഥാന പാതയില്‍ ആരംപുളിക്കല്‍ സ്കൂളിന് മുൻവശം ബുധനാഴ്ച വൈകീട്ട് 5.45-നായിരുന്നു സംഭവം.

ഔദ്യോഗിക വാഹനം മറ്റൊരു സ്വകാര്യ വാഹനത്തെ മറികടക്കുന്നതിനിടെ കാറില്‍ ഉരസുകയായിരുന്നു. അലക്ഷ്യമായി വാഹനം ഓടിച്ചതിന് മല്ലപ്പള്ളി തൈപ്പറമ്ബില്‍ ഹരികൃഷ്ണ(27)നെതിരെ കീഴ്വായ്പൂർ പോലീസ് കേസെടുത്തു.