ഇടുക്കിയിൽ വീണ്ടും കാട്ടാന ആക്രമണം: 73 കാരൻ ഗുരുതരാവസ്ഥയിൽ,

ഇടുക്കി: കാന്തല്ലൂർ പഞ്ചായത്തില്‍ പാമ്പൻപാറയില്‍ കാട്ടാനയുടെ ആക്രമണത്തില്‍ 73 കാരന് ഗുരുതരമായി പരിക്കേറ്റു.

കൂടെ ഉണ്ടായിരുന്ന ഭാര്യ ചെറിയ പരിക്കുകളോടെ തലനാരിഴയ്ക്ക് രക്ഷപ്പെട്ടു. പാമ്പൻപാറ സ്വദേശി തെക്കേല്‍ വീട്ടില്‍ തോമസി (കുഞ്ഞേപ്പ് -73) നാണ് ആന ചവുട്ടിയതില്‍ വയറിനും കാലുകള്‍ക്കും ഗുരുതരമായി പരിക്കേറ്റത്. തോമസിൻ്റെ കൂടെയുണ്ടായിരുന്ന ഭാര്യ സിസിലി (68) ആനയെ കണ്ടതും ഓടി രക്ഷപ്പെടുകയായിരുന്നു. ഓടുമ്പോള്‍ വീണു കൈയ്ക്ക് ചെറിയ പരിക്ക് പറ്റി.

തിങ്കളാഴ്ച രാവിലെ 6.45 നാണ് സംഭവം നടന്നത്. പാമ്പൻപാറയിലെ വീടിന് താഴെയുള്ള ആറിൻ്റെ തീരങ്ങളില്‍ നില്ക്കുന്ന മരങ്ങളില്‍ നിന്നും താഴെ വീണു കിടക്കുന്ന കുടംപുളി പഴങ്ങള്‍ ശേഖരിക്കുവാനാണ് വീട്ടില്‍ നിന്നും അര കിലോമീറ്റർ അകലെയുള്ള ആറ്റില്‍ ഇരുവരും പോയത്.

 സിസിലിയുടെ ഒരു കാലിന് സ്വാധീനമില്ലാത്തതാണ്. കമ്പ് കുത്തിയാണ് ഭർത്താവിനോടൊപ്പം ചെങ്കുത്തായ പാറയില്‍ കൂടി ഇറങ്ങി ആറ്റില്‍ എത്തിയത്. വീണു കിടക്കുന്ന കുടംപുളി പഴങ്ങള്‍ ശേഖരിച്ചു കൊണ്ടിരിക്കെ ആണ് അപ്രതീക്ഷിതമായി കാട്ടാന എത്തിയത്. 

തുമ്പികൈ കൊണ്ട് തോമസിനെ ആക്രമിച്ച ഒറ്റയാൻ താഴെ വീണ തോമസിനെ ചവുട്ടുകയും ചെയ്തു. ആനയെ കണ്ടതും എതിർവശത്തേക്ക് കമ്പ് കുത്തി ഓടി രക്ഷപ്പെടുന്നതിനിടയില്‍ വീണ് സിസിലിയുടെ കൈയ്ക്ക് പരിക്കേറ്റു.

ഇരുവരുടേയും നിലവിളി കേട്ട് ആന കൂടുതല്‍ ഉപദ്രവിക്കാതെ മറ്റൊരു ഭാഗത്തേക്ക് പോവുകയായിരുന്നു. നിലവിളി ശബ്ദം കേട്ട് സമീപവാസികള്‍ ഓടിയെത്തി പരിക്കേറ്റ തോമസിനെ കമ്പിളിയില്‍ കെട്ടി ചുമന്ന് വാഹനം വരുവാൻ കഴിയുന്ന ഭാഗത്ത് എത്തിച്ചു. 

മറയൂരില്‍ നിന്നും എത്തിയ ആംബുലൻസില്‍ കയറ്റി മറയൂരിലെ സ്വകാര്യ ആശുപത്രിയില്‍ പ്രാഥമിക ചികിത്സ ഇരുവർക്കും നല്കി. തോമസിൻ്റെ പരിക്ക് അതീവ ഗുരുതരമായതിനാല്‍ ആലുവ രാജഗിരി ആശുപത്രിയില്‍ പ്രവേശിപ്പിച്ചു.തോമസിനെ അടിയന്തിര ശസ്ത്രക്രിയയ്ക്ക് വിധേയനാക്കി.

🔰അനാവശ്യ പ്രതികരണങ്ങൾ ഒഴിവാക്കുക
ഡെയ്‌ലി മലയാളി ന്യൂസ്  ☎: +918921123196 OR +918606657037   വാർത്തകൾ 💬 അയയ്ക്കാൻ | പരസ്യങ്ങൾക്ക് |🫥CHAT SUPPORT | 📩 : dailymalayalyinfo@gmail.com

ത്രിഭുവനം ചാമ്പലാക്കിയ അതേ ചെന്നായ്ക്കൾ ഇവിടെയുമുണ്ട്... | TRIBHUVAN

പുറത്ത് വരുന്നത് ഭയം ജനിപ്പിക്കുന്ന ഞെട്ടിക്കുന്ന സത്യങ്ങൾ | Dharmasthala Mass Murder

"'വില്യം മോറിസ് അക്കാദമിയില്‍ എ ലെവല്‍ വിദ്യാര്‍ത്ഥിനി ഹെഷു...!!'', Watch the video

 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി ന്യൂസ് വാർത്തകൾ 💬 അയയ്ക്കാൻ &  പരസ്യങ്ങൾക്ക് 📩 : dailymalayalyinfo@gmail.com ☎: +918606657037

buttons=(Accept !) days=(20)

Our website uses cookies to enhance your experience. Learn More
Accept !