കൺമണിയെ കണ്ടു കൊതി തീരാതെ യാത്രയായി: പ്രസവം കഴിഞ്ഞ് 21 നാള്‍, മകളുടെ പേരിടല്‍ ദിനത്തില്‍ അമ്മയ്‌ക്ക് ദാരുണാന്ത്യം,

ഹൈദരാബാദ് : മകളുടെ പേരിടല്‍ ദിനത്തില്‍ അമ്മയ്‌ക്ക് ദാരുണാന്ത്യം .ഹൈദരാബാദ് ഖാനാപൂർ ടൗണിലെ ശ്രീരാംനഗർ കോളനിയില്‍ രാജശേഖറിന്റെ ഭാര്യ സിരിഷ (28) ആണ് മരിച്ചത് .

ഹൈദരാബാദിലെ സ്വകാര്യ ആശുപത്രി ജീവനക്കാരിയായിരുന്നു. അടുത്തിടെയാണ് ഇവർക്ക് രണ്ടാമത്തെ കുഞ്ഞ് പിറന്നത്. കുഞ്ഞിന്റെ പേരിടല്‍ ചടങ്ങ് കഴിഞ്ഞ ദിവസമായിരുന്നു.

വീട്ടിലെത്തിയ അടുത്ത ബന്ധുക്കളോട് സംസാരിച്ചിരുന്ന സിരിഷ രാത്രി വൈകിയാണ് ഉറങ്ങാൻ കിടന്നത് . ഉറക്കത്തിനിടെ നെഞ്ച് വേദന അനുഭവപ്പെടുകയായിരുന്നു. വീട്ടുകാർ ഉടൻ തന്നെ സിരിഷയെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ഖാനാപൂരില്‍ സംസ്‌കരിച്ചു