മാരകമായ വെള്ളപ്പൊക്കം മധ്യ, കിഴക്കൻ യൂറോപ്പിനെ ബാധിച്ചു; പേമാരി മധ്യ, കിഴക്കൻ യൂറോപ്പിലുടനീളം നാശം വിതച്ചുകൊണ്ടിരിക്കുന്നു

മാരകമായ വെള്ളപ്പൊക്കം മധ്യ, കിഴക്കൻ യൂറോപ്പിനെ ബാധിച്ചു. ബോറിസ് കൊടുങ്കാറ്റ് മൂലമുണ്ടായ പേമാരി മധ്യ, കിഴക്കൻ യൂറോപ്പിലുടനീളം നാശം വിതച്ചുകൊണ്ടിരിക്കുന്നു. 

ഓസ്ട്രിയയിലെ വെള്ളപ്പൊക്ക രക്ഷാപ്രവർത്തനത്തിനിടെ ഒരു അഗ്നിശമന സേനാംഗവും  പോളണ്ടിൽ ഒരാൾ മുങ്ങിമരിക്കുകയും ചെയ്തു.  റൊമാനിയയിൽ, അഞ്ച് പേർ മരിച്ചു, ചെക്ക് റിപ്പബ്ലിക്കിൽ നിരവധി പേരെ കണ്ടെത്താനായില്ല.

വിയന്നയെ ചുറ്റിപ്പറ്റിയുള്ള ഓസ്ട്രിയൻ പ്രവിശ്യയെ ദുരന്തമേഖലയായി പ്രഖ്യാപിച്ചു. പോളണ്ട് പ്രധാനമന്ത്രി ഡൊണാൾഡ് ടസ്ക് പ്രകൃതിദുരന്താവസ്ഥ പ്രഖ്യാപിച്ചു. റൊമാനിയയിലെ സ്ലോബോസിയ കൊനാച്ചി വെള്ളപ്പൊക്കത്തില്‍  മുങ്ങി. 

ചെക്ക് റിപ്പബ്ലിക്കിലാണ് ഏറ്റവും മോശം മഴ പെയ്തത്, ചില പ്രദേശങ്ങളിൽ മൂന്ന് മാസത്തെ മഴ മൂന്ന് ദിവസത്തിനുള്ളിൽ പെയ്തു. കൂടുതല്‍ ആളുകള്‍ പലായനം നടക്കുന്നു, നാല് പേരെ കാണാതായി ഇവരിൽ നോർത്ത് മൊറാവിയയിലെ നദിയിൽ കാണാതായ കാറിലുണ്ടായിരുന്ന മൂന്ന് പേർ, തെക്കൻ മൊറാവിയയിലെ വെള്ളപ്പൊക്കത്തിൽ ഒഴുക്കിൽപ്പെട്ട ഒരാൾ എന്നിവര്‍ ഉള്‍പ്പെടുന്നു. നഗരം എല്ലാ വശത്തുനിന്നും അടച്ചിരിക്കുന്നു. നിർഭാഗ്യവശാൽ, വെള്ളം എപ്പോൾ കുറയുമെന്ന് ആർക്കും അറിയില്ല.

ജെസെനിക്കി പർവതനിരകളിൽ സ്ഥിതി ചെയ്യുന്ന ഒരു പട്ടണമാണ് ജെസെനിക്, വെള്ളത്തിനടിയിൽ റോഡുകളും റെയിൽ പാതകളും പൂർണ്ണമായും അകപ്പെട്ടു  വിച്ഛേദിക്കപ്പെട്ടതായി വിവരിക്കപ്പെടുന്നു. ക്ലോഡ്‌സ്‌കോ പ്രദേശത്ത് മാത്രം 17,000 ആളുകൾക്ക് വൈദ്യുതിയില്ല, ഇൻ്റർനെറ്റ്, മൊബൈൽ ടെലിഫോൺ കണക്ഷനുകൾ തകരാറിലാണ്.

റൊമാനിയയുടെ തെക്ക്-കിഴക്കൻ ഗലാറ്റി മേഖലയിലെ സ്ലോബോസിയ കൊനാച്ചി ഗ്രാമത്തിലെ 700 വീടുകൾ വെള്ളത്തിനടിയിലായതായി മേയർ പറഞ്ഞു.

ഓസ്ട്രിയയിൽ, വെള്ളപ്പൊക്കത്തിൽ ഒരു അഗ്നിശമന സേനാംഗം മരിച്ചതായി ഗവർണർ ജോഹന്ന മിക്ൽ-ലെയ്റ്റ്നർ പറഞ്ഞു. ലോവർ ഓസ്ട്രിയ പ്രവിശ്യ മുഴുവൻ ദുരന്ത മേഖലയായി പ്രഖ്യാപിച്ചിട്ടുണ്ടെന്നും അവർ പറഞ്ഞു.

ഒന്നിലധികം ട്രെയിനുകൾ റദ്ദാക്കപ്പെട്ടു, വിയന്ന ഭൂഗർഭ ഭാഗങ്ങൾ അടച്ചിരിക്കുന്നു, ഒരു മോട്ടോർവേയെങ്കിലും വെള്ളത്തിനടിയിലായി.  അഗ്നിശമന സേനാംഗങ്ങൾ തെക്കുപടിഞ്ഞാറൻ പോളണ്ടിലെ ഗ്ലൂക്കോളാസിയിൽ, ബിയാല ഗ്ലൂക്കോളാസ്ക നദിക്ക് സമീപം, വെള്ളപ്പൊക്കത്തിന് എതിരെ മണൽചാക്കുകൾ കൊണ്ട് തടസ്സങ്ങൾ നിര്‍മ്മിച്ചു.