ശ്രീനഗര്: ജമ്മു കശ്മീരിലെ പൂഞ്ചില് സുരക്ഷാ സേനയും തീവ്രവാദികളും തമ്മില് ഏറ്റുമുട്ടല്. പൂഞ്ചിലെ ഗ്രാമത്തില് ഞായറാഴ്ച രാവിലെയാണ് ഏറ്റുമുട്ടലുണ്ടായത്.
.jpeg)
ഉന്നത കമാന്ഡര് അടക്കം മൂന്ന് തീവ്രവാദികള് ഗ്രാമത്തില് കുടുങ്ങിക്കിടക്കുന്നുണ്ടെന്നാണ് റിപ്പോര്ട്ട്.
ഗ്രാമത്തില് തീവ്രവാദികളുണ്ടെന്ന വിവരത്തെത്തുടര്ന്ന് സുരക്ഷാസേന പരിശോധന നടത്തുന്നതിനിടെയാണ് വെടിവെയ്പ്പുണ്ടായത്.
പ്രദേശത്ത് തീവ്രവാദി സാന്നിധ്യമുണ്ടെന്ന രഹസ്യവിവരത്തിന്റെ അടിസ്ഥാനത്തില് പോലീസും സൈന്യവും സംയുക്ത തിരച്ചില് നടത്തുകയായിരുന്നു.
ഇതിനിടെ, തീവ്രവാദികള് ഒളിഞ്ഞിരുന്ന് സൈന്യത്തിനുനേരെ വെടിയുതിര്ത്തത് ഏറ്റുമുട്ടലിന് വഴിവെച്ചു.
ഇടയ്ക്കിടെ വെടിവെയ്പ്പ് നടക്കുന്ന പശ്ചാതലത്തില് പ്രദേശത്ത് കൂടുതല് സേനയെ വിന്യസിച്ചതായി ഉദ്യോഗസ്ഥര് അറിയിച്ചു.
ബാരാമുള്ളയില് കഴിഞ്ഞ ദിവസം അര്ധരാത്രിയില് സുരക്ഷാ സേനയുമായുണ്ടായ ഏറ്റുമുട്ടലില് മൂന്ന് തീവ്രവാദികള് കൊല്ലപ്പെട്ടിരുന്നു.
കശ്മീരില് നിയമസഭാ തിരഞ്ഞെടുപ്പ് നടക്കാന് മൂന്ന് ദിവസങ്ങള് മാത്രം ശേഷിക്കെയാണ് ഏറ്റുമുട്ടലുണ്ടായിരിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.