തിരുവനന്തപുരം: ആര്എസ്എസ് നേതാക്കളുമായി കൂടിക്കാഴ്ച നടത്തിയ സംഭവത്തില് ക്രമസമാധാനച്ചുമതലയുള്ള എഡിജിപി എം.ആര്.അജിത് കുമാറിന്റെ മൊഴി രേഖപ്പെടുത്തുന്നു. പൊലീസ് ആസ്ഥാനത്ത് ഡിജിപി ഷെയ്ഖ് ദര്വേഷ് സാഹിബാണ് മൊഴി രേഖപ്പെടുത്തുന്നത്.
ആദ്യം മൊഴി രേഖപ്പെടുത്തിയപ്പോള് ആര്എസ്എസ് കൂടിക്കാഴ്ച സംബന്ധിച്ചുള്ള ചോദ്യങ്ങള് ഉണ്ടായിരുന്നില്ല. പി.വി.അന്വര് എംഎല്എ ഉന്നയിച്ച ആരോപണങ്ങളിലും മൊഴി രേഖപ്പെടുത്തും. സ്വര്ണക്കടത്ത് കേസ്, റിദാന് വധം, തൃശൂര് പൂരം അലങ്കോലമാക്കല് തുടങ്ങിയവയും അന്വേഷണ പരിധിയിലുണ്ട്.
ആര്എസ്എസ് നേതാക്കളുമായി നടത്തിയ കൂടിക്കാഴ്ചയുമായി ബന്ധപ്പെട്ട് എഡിജിപിക്കെതിരെ അനേഷണത്തിന് കഴിഞ്ഞ ദിവസമാണ് ഔദ്യോഗികമായി ഡിജിപിക്കു സര്ക്കാര് നിര്ദേശം നല്കിയത്.
കൂടിക്കാഴ്ചയ്ക്കു മധ്യസ്ഥത വഹിച്ച ആര്എസ്എസ് നേതാവ് ജയകുമാറിന്റെ മൊഴിയും രേഖപ്പെടുത്തും. ആര്എസ്എസ് നേതാക്കളായ ദത്താത്രേയ ഹൊസബാളെ, റാം മാധവ് എന്നിവരുമായി 2023ല് ദിവസങ്ങളുടെ ഇടവേളയില് എഡിജിപി കൂടിക്കാഴ്ച നടത്തിയെന്ന ആരോപണമാണ് ഉയര്ന്നത്.
ഇക്കാര്യം എഡിജിപി സമ്മതിക്കുകയും ചെയ്തു. വ്യക്തിപരമായ കൂടിക്കാഴ്ചയായിരുന്നുവെന്നായിരുന്നു വിശദീകരണം. എന്നാല് കൂടിക്കാഴ്ചയും തൃശൂര് പൂരം കലക്കലുമായി ചേര്ത്തുവച്ച് സിപിഐ നിലപാട് കടുപ്പിച്ച് രംഗത്തെത്തിയതോടെയാണ് സര്ക്കാര് അന്വേഷണം പ്രഖ്യാപിച്ചത്. ആര്എസ്എസുമായുള്ള കൂടിക്കാഴ്ച രാഷ്ട്രീയ വിഷയമാണെന്നും എഡിജിപിയെ ക്രമസമാധാനച്ചുമതലയില്നിന്നു മാറ്റണമെന്നുമാണ് സിപിഐയുടെ ആവശ്യം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.