ദാരുണം: അമിത വേഗത്തിലെത്തിയ ബസ്സിടിച്ച്‌ 136 ആടുകള്‍ ചത്തു ലക്ഷങ്ങളുടെ നഷ്ടമെന്ന് പോലീസ്,

ബംഗളൂരു : റായ്ച്ചൂരുവില്‍ അമിതവേഗത്തിലെത്തിയ ബസ്സിടിച്ച്‌ 136 ആടുകള്‍ ചത്തു. കഴിഞ്ഞദിവസം ഉച്ചയ്‌ക്ക് യെർമാരസിലായിരുന്നു സംഭവം.

റോഡിലൂടെ നടന്നുപോവുകയായിരുന്ന അഞ്ഞൂറോളം ആടുകള്‍ക്കിടയിലേക്ക് ഹൈദരാബാദില്‍ നിന്ന് ബെലഗാവിയിലേക്ക് പോവുകയായിരുന്ന സ്വകാര്യ സ്ലീപ്പർ ബസ് ഇടിച്ചു കയറുകയായിരുന്നുവെന്ന് പോലീസ് പറഞ്ഞു.

തെലങ്കാന നാരായണ്‍പേട്ട് സ്വദേശി ബാലരാജു, ശ്രീനിവാസ് എന്നിവരുടേതായിരുന്നു ആടുകള്‍. 30 ലക്ഷത്തിലേറെ രൂപയുടെ നഷ്ടം കണക്കാക്കുന്നതായി പോലീസ് പറഞ്ഞു.