നിയന്ത്രണം വിട്ട ബസ് വീണത് കുഴിയിൽ: അപകടത്തിൽ 13 പേര്‍ക്ക് പരിക്ക്, നാലുപേരുടെ നില അതീവ ഗുരുതരം, കേസെടുത്ത് പോലീസ്,

ബംഗളൂരു: ഗുണ്ടല്‍പേട്ടില്‍ ബസ് നിയന്ത്രണംവിട്ട് കുഴിയിലേക്ക് പതിച്ച്‌ 13 യാത്രക്കാർക്ക് പരിക്ക്. പരിക്കേറ്റവരില്‍ നാലുപേരുടെ നില അതീവ ഗുരുതരമാണ്.

ഇവരെ ആദ്യം ഗുണ്ടല്‍പേട്ട് ഗവ. ആശുപത്രിയിലും പിന്നീട് ചാമരാജ് നഗർ ജില്ല ആശുപത്രിയിലും പ്രവേശിപ്പിച്ചു. കുന്ദകരെയില്‍നിന്ന് യെരിയൂർ വഴി ഗുണ്ടല്‍പേട്ടിലേക്ക് വരുകയായിരുന്ന കർണാടക ആർ.ടി.സിയുടെ ബസാണ് അപകടത്തില്‍പെട്ടത്. സ്റ്റിയറിങ് റോഡ് പൊട്ടിയാണ് അപകടം സംഭവിച്ചത്. സംഭവത്തില്‍ ഗുണ്ടല്‍പേട്ട് പൊലീസ് കേസെടുത്തിട്ടുണ്ട്